ATUALIZASAUN PREVIZAUN TEMPU BA FIM DE SEMANA ne’e nia laran husi dia (29-30/06/2024)#.

ATENSAUN BA UDAN DURANTE FIM DE SEMANA KUAZE IHA TERRITORIU NASIONAL⚠
(AINARO, BOBONARO, COVALIMA, DILI, ERMERA, LIKISA, MANUFAHI, MANATUTO, VIQUEQUE no LAUTEM).
MTC-DNMG, Liu husi ekipa previzaun tempu no eventu extremu, hakarak informa ba komunidade em jeral iha teritoriu Timor laran katak kondisaun atmosfera sei kontinua instavel durante FIM DE SEMANA ne’e nia laran, hodi favorese UDAN ho intensidade FRAKU to’o MODERADU/NATON, kuaze iha territoriu nasional tantu iha periodu DADER_MEIO-DIA kuantu iha periodu LOROKRAIK-INISIU KALAN prinsipalmente iha munisipiu sira ne’ebe mensionadu ona iha leten. Detallu liu bele hare iha (tabela) anexu.
⚠⚠ATENSAUN ESPESIAL BA ANIN IHA KOSTEIRAS liu-liu iha KOSTA NORTE⚠⚠
(MANATUTO, LAUTEM no ATAURO)
Velosidade ANIN sei intensifica hodi varia husi MODERADU/NATON to’o FORTE (20-24 km/h) liu-liu ba munisipiu sira ne’ebe mensiona/temi ona iha leten. Enkuantu restu munisipiu sira seluk kondisaun refere predominante varia husi normal to’o MODERADU/NATON tantu iha KOSTA NORTE no SUL kuantu iha REJIAUN CENTRAL (8-19 km/h). Detallu liu bele hare iha (tabela) anexu.
⚠ATENSAUN BA KONDISAUN LALORAN TASI IHA KOSTA SUL ⚠
(COVALIMA, MANUFAHI, MANATUTO, VIQUEQUE no LAUTEM)
Kondisaun LALORAN TASI nia A’AS durante FIM DE SEMANA ne’e nia laran sei kontinua varia husi NORMAL (0.2-1.0 m), exceptu iha KOSTA SUL mak kondisaun refere sei kontinua persiste hodi varia husi NORMAL to’o MODERADU/NATON (1.0-1.5 m).
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona previzaun Tempu husi DNMG Timor-leste.
*Bulletim emitidu : 28/06/2024 (19:03 OTL)
*Bulletim Validu : 01/07/2024 (00:00 OTL)
#CENTRO DE MONITORAMENTO E PRVISÃO DE TEMPO E CLIMA DNMG-MTC#