Manufahi RKM News-kuarta feira(17-11), Autoridade Lokal iha Suku Daisua Postu Administrativu Same Munisípiu Manufahi rekomenda ba Governu Timor Leste atu dezenvolve Parke Dom Boaventura iha Luak tanba komesa husi tinan 2012 to agora governo la tau atensaun.
Xefe Suco Daisua, Amorin da Costa Sarmento rekomenda ba governu Timor Leste, atu dezenvolve tanba dezde iha tinan 2012 to’o mai 2021 governo la tau atensaun maibé ba halo dezenvolvimentu iha rai li’ur sira.
“tuir mai turizmu iha tinan 2012 Governu Timór lori ona estátua Dom Boaventura mai tau iha ne’e sai ona Parke Dom Boaventura, governu halo pameran ka expozisaun sira ne’e ba ona Dubai, ba ona China fatin hotu hotu ba ona, maibé ita-nia parke tun ba ne’e hahú dezde 2012 to’o agora turizmu dehan atu dezenvolve maibé la tau atensaun ida ba estátua ida tun ba ne’e ” rekomenda Xefe suku Daisua iha ámbitu vizita Prezidente Repúblika Francisco Guterres Lú-Olo iha Salaun Parokia Nossa Senhora De Asunsaun Same Manufahi.
Xefe Suku ne’e mós kestiona ba Servisu relevantes sira ne’ebé mak halo expozisaun iha entranjeiru sira maibé nunka tau matan ba turizmu local sira ne’ebé mak Governu rasik tau ona mai iha Munispal no Postu sira.
Ministru Turizmu Komersiu no Indústria (MTCI), José Lucas do Carmo rekoñese katak durante la haree ba assuntu sira ne’e, maibé, oras ne’e dadaun halo hela diskusaun ho Administradór Munisípiu sira atu tau atensaun iha tempu badak.
“sim Ministru mós konkorda ida ne’e dadaun ne’e iha diskusaun ona kona ba ida ne’e la’ós de’it ba estátua ida ne’ebá de’it no dadaun ne’e hamutuk ho autoridade Munisípiu nian liuhusi ita nia administradór munisípiu oinsá atu halo planu mestre ida atu lalais liu, la’ós de’it ba estátua ida ne’e de’it, ida ne’e iha hela diskusaun” nia hatán
Tanba sei halo konsultasaun ho Ministériu relevante sira tanba iha Governasaun oitavo Governu Konstitusionál kada ministériu ida labele hala’o servisu mesak maibe tenke liuhusi konsultasaun hodi deside hamutuk. (Ekipa RKM)
