DNMG, liu husi ekipa previzaun tempu atualiza kondisaun ATMOSFERIKA ba ohin nian hanesan tuir mai ne’e:
*Agora dadaun atmosfera estavel ou seja Naroman ho kalohan balun/la iha udan kuaze iha teritoriu Timor laran tomak akompanha ho anin ne’ebe huu ho velocidade Normal (4-12 km/h), excetu iha kosta norte no leste husi Lautem Manatutu, RAEOA no Atauru mak velocidade anin varia entre 9-22 km/h (Naton).
*Iha periodu lokraik-Kalan, previzaun hatudu katak maioria iha municipiu atmosfera kontinua naroman ho kalohan balun, excetu iha parte balun (Foho) husi municipiu Ermera, Ainaro, Aileu, Bobonaro, Manufahi, Lautem, Viqueque, Manatutu, Baucau mak kalohan sei dezenvolve-an taka no iha tendensia hodi favorece UDAN CHUVISKA. Velocidade anin kontinua Normal iha maioria municipiu no Naton iha parte kosteiras (mencionadu iha leten).
*Laloran tasi nia aas kontinua normal iha kosta norte (0.4-0.8 m) no varia entre normal-naton (0.9-1.2) iha kosta sul.
NB.
*La iha previzaun ba udan extremu ruma;
*Akompanha nafatin atualizasaun previzaun tempu husi DNMG.
