DNMG, liu husi ekipa PREVIZAUN TEMPU atualiza kondisaun ATMOSFERIKA ba loron ohin nian hanesan tuir mai ne’e:
Kondisaun tempu atmosférika agora daudauk to’o MEIO-DIA kuaze iha territoriu timor laran predominante ho NAROMAN ho KALOHAN BALUN, exceptu rejiaun leste mak KALOHAN TAKA no iha possibilidade hodi kauza UDAN CHUVISKA.
Enkuantu iha periodu LOROKRAIK-INISIU KALAN kondisaun tempu atmosferika iha rejiaun leste inklusive parte rejiaun Central liu-liu ba munisipiu sira hanesan: AINARO, ERMERA, BAUCAU (parte VENILALE) mak predominante ho UDAN FRAKU. Enkuantu rejiaun oeste exceptu munisipiu LIKISA no BOBONARO mak KALOHAN TAKA, restu munisipiu sira maioria NAROMAN HO KALOHAN BALUN.
⚠⚠ ATENSAUN ESPESIAL BA ANIN IHA KOSTEIRAS ⚠⚠
(ATAURO, RAEOA, MANATUTO, COVALIMA, no LAUTEM)
Velosidade ANIN sei intensifika liu iha munisipiu sira ne’ebe mensionadu iha leten no sei varia husi MODERADU/NATON-FORTE (16-23 km/h) no bele lokalmente FORTE LIU. Restu munisipiu sira seluk, tantu iha rejiaun central, kuantu iha rejiaun norte no sul velosidade ANIN sei varia husi NORMAL-MODERADU/NATON (12-20 km/h).
⚠ATENSAUN BA KONDISAUN LALORAN TASI⚠
Laloran tasi nia A’AS ba loron ohin nian sei varia husi NORMAL-MODERADU/NATON (0.4-1.5 m) tantu iha KOSTA NORTE no SUL.
NB;
Laiha previzaun ba UDAN Extremu ba loron ohin.
*Akompanha nafatin atualizasaun PREVIZAUN TEMPU husi DNMG.
