ATENSAUN ESPESIAL BA ANIN IHA REJIAUN KOSTEIRAS PRINSIPALMENTE IHA KOSTA NORTE⚠⚠
(ATAURO, MANATUTO, BAUCAU, LAUTEM no RAEOA).
Intensidade ANIN sei kontinua persiste iha munisipiu balun, prinsipalmente iha KOSTA NORTE, liu-liu ba munisipiu sira ne’ebe mensionadu iha leten hodi varia husi MODERAD/NATON to’o FORTE (16-25 km/h), preferensialmente iha periodo LOROKRAIK ba INISIU-KALN.
🛑Risku🛑
* Potensia ba ai-tohar/monu, estraga uma sira ne’ebe estrutura la metin;
* Influensia Laloran tasi a’as
* Atensaun ba maluk viajantes sira ho transporte maritima ne’ebe mak hala’o hela operasaun no mos maluk peskador sira ne’ebe mak realiza hela atividade peska nian hodi atentu no tau atensun ba kondisaun refere.
#KONDISAUN LALORAN TASI#
Laloran tasi nia A’AS ba loron ohin nian sei kontinua varia husi NORMAL (0.3-0.8 m) tantu iha KOSTA NORTE no SUL.
#KONDISAUN TEMPU#
Ekipa Previzaun Tempu husi MTC-DNMG hakarak informa ba publiku katak previzaun tempu ba LORON OHIN, kondisaun atmosfera sei instavel, iha ne’ebe sei kauza UDAN ho intensidade CHUVISKA to’o FRAKU prinsipalmente iha rejiaun montanhosas/parte foho kuaze iha territoriu nasional, preferensialmente iha periodu LOROKRAIK-INISIU KALAN, exceptu ATAURO mak kondisaun refere sei NAROMAN ho KALOHAN BALUN.
#NOTA INFORMATIVA
*Husu ba komunidade em jeral liu-liu sira ne’ebe lokaliza iha area sira ne’ebe previstu ba (ATENSAUN ESPESIAL), liu-liu ba intensidade ANIN iha rejiaun kosteiras, atu kontinua atenta hodi evita ita husi dezastre neebe ita la espera.
*Akompanha nafatin atualizasaun informasaun kona previzaun
Tempu husi DNMG Timor-leste.
AVIZU Emitidu: 28/10/2024 (10:00 Otl)
AVIZU validu : 29/10/2024 (00:00 Otl)
🌊Ekipa Previzaun Tempu no Eventu Extremu DNMG-MTC
la haluha hato’o BOA SEMANA ba ita hotu🌊
