KONDISAUN TEMPU#
⚠⚠ATENSAUN ESPESIAL BA UDAN IHA KOSTA SUL⚠⚠
(COVALIMA, LAUTEM, MANUFAHI no MANATUTO)
MTC-DNMG, Ekipa Previzaun Tempu no Eventu Extremu hakarak informa ba publiku katak, kondisaun tempu sei instavel durante loron tolu (3) tuir mai ho prezensa sistema meteorolojiku hanaran Madden Jullien Oscilation (MJO) ne’ebe mak agora daudauk ninia tranzisaun mai tasi Timor nian iha ona kategoria FAZE ATIVA, iha ne’ebe sei favorese UDAN ho intensidade FRAKU ba MODERADU/NATON kuaze iha territoriu nasional no bele lokalmente FORTE prinsipalmente iha KOSTA SUL, liu-liu ba munisipiu sira ne’ebe mensionadu ona ho kor (ORANGE/LARANJA) tantu iha periodu DADER-MEIO_DIA, kuantu iha periodu LOROKRAIK-INISIU KALAN.
⚠ATENSAUN BA KONDISAUN IHA KOSTEIRAS⚠
Intensidade ANIN ba loron tolu mai sei kontinua persiste hu’u ho velosidade MODERADU/NATON (16-22 km/h) durante loron tolu (3) tuir mai tantu iha KOSTA NORTE no SUL, enkuantu iha REJIAUN CENTRAL mak kondisaun refere sei hu’u ho velosidade NORMAL (8-15 km/h).
#KONDISAUN LALORAN TASI#
Laloran tasi nia A’AS ba loron tolu (3) tuir mai sei varia husi NORMAL (0.1-1.0 m) iha KOSTA NORTE, enkuantu iha KOSTA SUL mak kondisaun refere sei varia husi MODERADU/NATON
(0.8-1.2 m) iha KOSTA SUL liu-liu ba munisipiu sira ne’ebe markadu ho kor (KINUR) preferensialmente iha loron, Quarta-Feira dia (30/10/2024).
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
* Husu mos ba maluk peskador sira ne’ebe mak hala’o hela atividade peska nian no maluk viajantes sira ho transporte maritima hodi tau atensaun maximu ba kondisaun laloran tasi iha KOSTA SUL hodi evita dezastre sira ne’ebe mak ita hotu la espera.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona previzaun
Tempu husi DNMG Timor-leste.
AVIZU Emitidu: 29/10/2024 (18:50 Otl)
AVIZU validu : 02/11/2024 (00:00 Otl)
🌊Ekipa Previzaun Tempu no Eventu Extremu DNMG-MTC
la haluha hato’o BOA SEMANA ba ita hotu🌊.
