KONDISAUN TEMPU#
⚠ATENSAUN BA UDAN KUAZE IHA TERRITORIU NASIONAL⚠
Ekipa Previzaun Tempu husi MTC-DNMG, hakarak informa ba publiku katak kondisaun tempu ba loron rua (2) tuir mai no ba FIM DE SEMANA ne’e nia laran sei kontinua persiste instável, ho permanensia sistema Meteorolojiku sira hanaran: Madden Julien Oscilation (MJO) akompanha mos ho sistema METEOROLOJIKU seluk hanaran: ONDAS DE ROSSBY EQUATORIAL ne’ebe mak sei iha faze ativa no sirkula iha kontinente maritima ho nia influensia mai tasi Timor mak sei kontinua favorese UDAN ho intensidade FRAKU ba MODERADU/NATON tantu iha periodu DADER ba MEIO-DIA kuantu iha periodu LOROKRAIK ba INISIU KALAN. Detallu liu bele hare iha (tabela) anexu.
#KONDISAUN ANIN#
⚠⚠ATENSAUN ESPESIAL BA INTENSIDADE ANIN IHA KOSTA NORTE, PRINSIPALMENTE IHA REJIAUN, LESTE no OESTE⚠⚠
(RAEOA, LIKISA, DILI, ATAURO, MANATUTO, BAUCAU no LAUTEM)
Intensidade ANIN ba loron rua (2) tuir mai no ba FIM DE SEMANA ne’e nia laran sei intensifika liu prinsipalmente iha REJIAUN NORTE, LESTE no OESTE hodi varia husi FORTE (>25 km/h). Enkuantu restante munisipiu sira seluk, kondisaun refere sei varia husi NORMAL ba MODERADU/NATON (8-18 km/h), preferensialmente iha periodu MEIO-DIA ba LOROKRAIK. Detallu liu, bele hare iha (tabela) anexu.
#KONDISAUN LALORAN TASI#
Laloran tasi nia A’AS ba loron rua (2) tuir mai no ba FIM DE SEMANA ne’e nia laran sei varia husi NORMAL ba MODERADU/NATON tantu iha KOSTA NORTE no SUL (0.4-1.5 m).
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona ba previzaun
Tempu husi DNMG Timor-leste.
AVIZU Emitidu: 18/12/2024 (18:00 Otl)
AVIZU validu: 23/12/2024 (00:00 Otl)
🌊Ekipa Previzaun Tempu no Eventu Extremu DNMG-MTC, la haluha hato’o “BOA SEMANA” ba ita hotu🌊.
