Manufahi Rkm News====Loron Sabado 2/12 Superintendenti edukasaun Munisípiu Manufahi Mateus dos Santos Soares hateten pré-eskolár nu’udar fáse motivasaun no preparasaun labarik ki’ik oan sira nia mentalidade molok sira hakat ba ensínu primeiru síklus ensínu básiku, nia dehan.
Dezenvolvimentu Edukasaun Pré-eskolár presiza ema hotu nia kontribuisaun husi inan-aman no autóridade sira tanba pre-eskolár fáse dá-huluk atu motíva Labarik ki’ik sira presiza ema hotu nia kontribuisaun.
Responsavel pré-eskolár Fransisca Oliveira hateten Finalísta pré-eskolár 428 ne’ebé ohin gradua kompostu mane na’in 223 no feto 205 kompostu husi pré-eskolár 26 ne’ebé eziste iha postu administrativu Same Munisípiu Manufahi, nia dehan.
orsamentu hodi realíza serimónia graduasaun ne’e ho totál orsamentu dólar Amérikanu $ 2,600.00, ne’ebé kontribui husi profesor na’in 51 ho osan $10.00 kada profesor kontribuisaun husi alunu ida $10.00.
Graduada Constantina Prégo ho Adelina da Costa husi pré-eskolár 03 Tutuluro, agradese ba profeso sira ne’ebé dedika-an tomak hodi hanorin no atende ami labarik ki’ik oan ohin ami hetan ona graduasaun.
Reportage :rkm
