ATENSAUN BA UDAN IHA FIM SEMANA (13-14/01/2024) ⚠
Previzaun ba fim semana hatudu katak atmosfera kontinua instavel, iha ne’ebe sei favorece udan ho intensidade FRAKU-MODERADU no bele lokalmente udan FORTE kuaze iha teritoriu nacional, l;iu-liu iha rejiaun foho sira (Detalhe iha tabela anexu).
⚠ ATENSAUN ESPECIAL BA ANIN IHA PARTE KOSTEIRA (KOSTA NORTE NO SUL) ⚠
Velocidade anin akompanha ho rajadas anin kontinua huu ho velocidade NATON-FORTE, iha rejiaun kosteira nune’e sei influensia mos Laloran tasi a’as , enkuantu iha parte foho anin kontinua huu ho velocidade NORMAL-NATON.
🛑RISKU 🛑
Potensia ba mota tun, be’e sa’e, deskarga eletrica/eletrisidade mate, ai tohar no seluk-seluk tan.
#NOTA_INFORMATIVA#
-Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma tuir orientasaun Autoridade Lokal ou Pessoal Protesaun Sivil ne’ebé besik ou karik presiza halo evakuasaun, mantein kalma nafatin, evita paniku.
*Akompanha nafatin atualizasaun informasaun kona previzaun Tempu husi Dnmg Timor-leste.
