(Manufahi) RKM News ======== Vice Ministeriu Agrikultura e peskas (MAP), Abilio Xavier De araujo, Hamotuk ho parseiru internasional To’os ba Moris diak (tomak) no Grupu Agrikultor Manufahi (GAM)sesta feira ne halo koileta fore mungu ho naran kiukai hamotuk hektar ida iha aldeia loro, suku betanu,postu administrative same, munisipiu manufahi.
“Hau hanesan Vice Ministerius sente apresia tebes ho ita nia parseiro internasional husi australia nebe durante nee bele fo ona apoiu ba kriativu grupu assosiasaun Nasional produtu Fini Komersial Timor-Leste (ANAPROFIKO-TL), maske neneik maibe bebeik sira realiza duni esforsu nebe durante ne, maibe to ohin loron fo duni rejultadu nebe diak ba ita nia agrikultor sira“haktuir vice ministru ba jornalista sira sesta (14/08) iha ninia deskursu iha aldeia loro,suku betanu,postu same, munisipiu manufahi.
Nia salienta, ita la bele dependensia deit ba mina tanba mina loron ida sei maran, maibe ita nia produsaun ai-han sei la maran no lalakon iha ita rai no mundu, tanba ida nee hau orgulho tebes ho ita nia agrikultor sira bele fo benefisiu diak, no hatudu rejultadu nebe diak ba ita nia agrikultor sira hotu.
Iha parte seluk reprezentante embaixada australia, Benita Sommerville, iha ninia deskursu hateten, Australia iha ninia komitmentu hodi servisu hamotuk ho governu Timor-Leste ho apoiu dezenvolvementu ba setor agrikultur bele hametin relasaun entre nasaun rua liu hosi setor agrikultor.
Nia haktuir, hau fo obrigado ba grupo agrikultor tanba ho kontribuisaun tomak ba esforsu, ohin loron hatudu rezultadu nebe diak, alende ne mos hamotuk ho agrikultor sira seluk hanesan, Aileu, Viqueque, Kovalima, Bobonaru, No Ermera, Ho ita boot sira nia servisu hatudu duni valor nebe diak, bele hamenos impaktu hosi moras COVID-19 no bele hamenos mos impaktu seluk mak hanesan siguransa ai-han.
Alende nee reprezentante presidente Assosiasaun Nasional Produtu Fini Komersial Timor-Leste ( ANAPROFIKU T-L) Haktuir grupu ida nee harii hetan apoiu husi, to’os ba moris diak (Tomak), nebe mai hosi australia, alende mos hetan apoiu husi, Grupu Agrikultor Manufahi(GAM) hodi fo suporta ba ami nia grupu ida nee.
Nia salienta tan katak, fini nee rasik hetan suporta husi (Tomak) No (GAM) durante ne hetan mos apoiu makas husi sira, alende fore mungu ita bolu ho naran kiukai nebe mak agora daudaun ami koileta nee, To’os ba moris diak ka (TOMAK) mak sei hola fali fore mungu nebe mak ami koileta ona.
Jornalista : Eva marques
Editor : Eva marques
