manufahi: News RKM=== portavos reprezentante komunidade Tolu, Albertino Da Costa, liu hosi ninia preskomferensia hateten, husu ba governu atu haruka kompaña maber unipesoal Lda, nebe mak kaer prozetu dada lina eletrisidade ba aldeia tolu (3) mak hanesan Weberek, Wesar, No sarin nebe to agora kompaña abandona servisu,dehan ba jornalista radiu komunidade tersa (08/09) iha aldeia Weberek suku dotik, Postu administrativu alas, Munisipiu Manufahi.
“Ami husu ba governu nebe mak haruka kompaña Maber unipesoal LDA nebe mak kaer prozetu lina eletrsidade iha tinan 2018 liga ba aldeia fatin tolu (3) kompostu husi weberek, Wesar, no sarin, nebe Ho ,total uma kain hamotuk 275, No populasaun hamotuk 1.409 nebe mak komunidade intrega aihoris ba kompaña tesi gratuita tanba komunidade iha intrese hakarak asesu ba eletrisidada maibe to agora kompaña refere abandona sira nia servisu,
Nia Argumenta, Hahu kedas iha tinan 2018 kompaña MABER Unipesoal Lda kontinua tesi komunidade sira nia ai-horis hanesan nu’u, has, sabraka, Ai-teka,Kami, Kaizuz, Abokat, Jambua no ai-horis sira seluk hodi sustenta nesesidade familia kompostu hosi aldeia tolu nebe hetan estragus hotu husi kompaña refere tanba iha prinsipiu hakarak asesu duni naroman iha tempu kalan.
Portavos albertu hatutan, Luta ba libertasaun nasional laos ema ida rua deit mak luta maibe ema barak mak luta hodi sakrifika an tomak ba rai ida nee, maske timor nee ukun aan ona besik tinan rua nulu (20) ona balun mak sente rezultadu libertasaun nasional ida nee maibe balun seidauk sente rezultadu husi ukun aan ida nee.
iha fatin hanesan xefi aldeia sarin,Carlos Da Silva, haktuir, Kompaña Maber Unipesoal Lda ba tesi ai-horis iha aldeia sarin nein koñesementu husi autoridade no lia nain sira, maibe tuir informasaun nebe ami ho komunidade husi sarin rona katak kompaña refere atu dada Ahi ba iha aldeia tolu hanesan Weberek, Wesar No Sarin, tanba intrese komunidade ho laran luak intrega ai-horis ba kompaña tesi gratuita, maibe ai-horis hetan estragus hotu husi kompaña to ikus abandona hela sira nia prozetu refere.
“Nudar autoridade sente triste tebes,tanba ai-horis produtivu barak mak hetan estragus husi kompaña refere, tanba nee ami husu ba governu sentral no Governu Lokal iha tempu badak hodi bolu atensaun ba kompaña Maber unipesoal Lda hodi Finaliza projeitu refere, se karik la bolu ba kompaña refere mak ami konsidera ukun nain sira ne’e laiha seriedade atu servi nia povo, No hatene deit mak Goza povo direitu De Votus povu nian, maibe la hatene responsabilidade ba aspirasaun povu nian.
Hatan ba problema sira Nee, Xefi suku Dotik Sebastião Da Costa Amaral, hateten, ba prozetu nebe mak dada lina eletrisidade ba aldeia tolu mak hanesan weberek Wesar No sarin nebe hetan paradu tanba iha kompaña rua mak hadau malu ba prezeitu refere tanba hetan autorizasaun husi komunidade rasik fo lisensa ba kompaña hodi ba kaer prozetu refere.
Nia hatutan ,iha kompaña rua mak kaer prozetu refere ida mak kompaña Unipesoal Lda nebe hala’o nia servisu hahu hosi tinan 2014-2015 , Alende ne iha tinan 2017 kontinua fali ho kompaña ida ho naran Maber Unipesoal Lda, maibe kompaña rua nee hetan autoriza hosi komunidade tanba kompaña ida ho naran Unipesoal Lda hatun besin riin, no kompaña ida ho naran Maber Unipesoal Lda hetan autoriza hosi komunida hodi estragus sira nia ai-horis hosi weberek to sarin. Liu hosi kompaña rua nee mak sai hanesan impedementu ba lina eletrisidade nebe hahu hosi dotik tama to weberek wesar no sarin.
Xefi haktuir, Atu rekomenda ba governu mak atu foti desizaun ba prozeitu nebe kaer husi kompaña rua nebe mak to agora paradu, ida nee konsidera kompaña laiha kapasidade atu halo konstrusaun ba prozeitu refere, se bainhira kompaña rua nee hadau malu hanesan nee fo impaktu boot ba komunidade, tanba ida nee hau husu ba governu hodi hare fali kompaña seluk hodi mai kontinua fali prozeitu refere,
Jornalista : Vasco Mendes
Editor : Eva Marques
