Manufahi RKM News===Institutu Edukasaun Popular (IEP) hamutuk ho Kadalak Sulimutu Institutu (KSI) ho Uniaun Agrikultura Munisipiu Ermera, Likisa, Covalima hala’o sorumutu ho organizasaun Sanulu Resin Rua (12) iha Manufahi, Dirigente Grupu tarjetu sira hodi konsolida atu hari Uniaun Agrikultura iha Munisipiu Manufahi///Kinta (10/09)
Tuir Kordenador Geral Institutu Edukasaun Popular (IEP) David De Oliveira ba Jornalista sira Hateten objectivu hari Uniaun Agrikultura Munisipiu atu hodi sai sumbrina ka mahon ida ba Agrikultores organizadu ka agrikultores sira ne’ebe iha ona koiñesimentu ba asuntu movimentu social///
Organizasaun Uniaun Agrikultura ne’e hari’iatu hodi solusiona agrikultores sira nia problemas ne’ebe durante ne’e sira hasoru tamba organizasaun Sosiedade Sivil, Embaxador no Organizasaun seluk ne’ebe durante hamrik maibe seidauk solusiona problema sira ne’ebe Agrikultura sira hasoru/// Hateten Kordenador Geral Institutu Edukasaun Popular (IEP)
Vantagen Uniaun Agrikultura maka uniaun rasik bele hatene ona dalan oinsa atu solusiona problema ne’be agrikultor sira durante ne’e hasoru tamba durante ne’e ukun nain sira konsideira agrikultor sira iha tempu kampaña ba Elisaun maibe realidade agrikultor sira sai fali bainaka ba nia rain rasik// Tenik Kordenador Geral Institutu Edukasaun Popular (IEP)
Parte seluk Reprezentante Agrikultor Postu Fatuberliu Adolfo Da Costa hato’o agradesimentu ba organizasaun Institutu Edukasaun Popular (IEP) ho Kadalak Sulimutu Institutu (KSI) ne’ebe fasilita Agrikultor sira atu hari’I Uniaun Agrikultor Munisipiu hodi bele halo balansu ba folin Produtu Lokal ne’be agrikultor sira produs iha Manufahi hodi bele atinji promesa nai ulun sira nian katak Povu Kuda Governu Sosa/// ( Atlaz ).
