Friday, June 21, 2024
spot_imgspot_img
HomeNotisiaUma mahon sai hanesan solusaun ba violensia domestika

Uma mahon sai hanesan solusaun ba violensia domestika

Manufahi: News RKM===Ohin realiza programa Talk show nebe hetan servisu hamotuk entre Care internasional ho fundasaun luta ba futuru  ho tema papel uma mahon sai hanesan fatin hodi halibur maluk vitima feto no labarik sira iha munisipiu manufahi.Dehan ba jornalista radiu komunidade sabadu (12/09) iha postu same munisipiu manufahi.

Kordenadora uma mahon munisipiu manufahi, Paulina  Da Costa Fernandes, hateten, uma mahon sai hanesan fatin nebe profizoriu atu asegura kasu violensia bainhira mosu hodi hasoru feto no labarik.

 “ami estabelese uma mahon iha tinan 2018-2020 nebe rezistu total vitima sanolu rasin haat (14)  ho  kazu violensia domestika,  kazu sexual inklui feto no labarik, atu hodi asegura ba feto no labarik sira nebe mak hetan violensia domestika, tanba fatin uma mahon hanesan fatin nebe profizoriu durante fulan neen (6) atu hodi bele hadook ba sira nebe sai vitima husi kasu violensia domestika”. Nia dehan.

Nia salienta, uma mahon mos hetan servisu hamotuk ho Medico jeral ezaminadora medical forensic munisipíu Manufahi no MSSI, PRADET Munisipiu manufahi, Asistensia legal feto no labarik ALFELA, edukasaun, inklui polisia VPU, nebe durante nee hodi halo apoiu ba maluk vitima sira nebe hetan violensia domestika no kazu sexual nebe hodi kontra feto no labarik.

“Bainhira ami simu vitima husi komunidade ka polisia no referal hotu-hotu ami sei halo lina kordenasaun vitima, se wainhira vitima sente la seguru ami sei halo refere ba iha uma mahon hodi halo asegura ba vitima iha uma mahon, alende ne se vitima foti desizaun atu fila fali ba ninia familia ami mos sei halo lina kordenasaun ho parte polisia VPU no PRADET inklui ALFELA hodi halo referal hodi intrega hikas ba familia.

iha fatin hanesan Medico jeral ezaminadora medical forensic munisipíu Manufah, Lurdes da costa Monteiro, haktuir, uma mahon presiza duni hari’i iha munisipiu atu hodi bele atende diak liu tan kazu sira nebe mak akontese ba maluk feto no labarik tanba kazu ne mosu laiha fatin hodi seguransa ba vitima sira no ita labele haruka fila ba uma no ita tenka ba uma mahon hodi buka solusaun ba problema refere, bainhira problema hotu foin intrega fila ba familia.

“Bainhira ami simu vitima husi komunidade ka polisia VPU ka redi referal hotu-hotu ami sei halo atendimentu medikal forensi no ami sei husu kliente bainhira vitima sente la seguru entaun ami sei halo kontaktu ho uma mahon hodi halo asegura ba vitima” dehan Lurdes.

Jornalista         : Vasco

Edtor                : ESM

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

STAE halo preparasaun masimu ba tinan ida no diak

  Diretór STAE Manufahi RKM News—Direktor STAE Munisipiu Manufahi Angelo da Costa Cortereal, hateten Dadaun ne'e STAE halo hela preparasaun ba eletoral no aktualizasaun ba baze...
0
Would love your thoughts, please comment.x
()
x