Manufahi RKM News======Oan mane husi saudozu sikat seluk husu ba estadu atu hari jardin dos herois iha fatin levantamento 9 novembro iha postu administrativo Alas munisipiu manufahi, Asuntu Nee hatoo wainhira halao seminar komemorasaun levantamento 9 Novembro segunda feira (30/11)
Nelson Fernandes oan mane husi saudozu sikat seluk hateten ami husu ba estadu atu hari jardin dos herois iha fatin levantamento 9 novembro iha alas atu hodi valoriza Joven rejisténsia, no responsavél lubuk ida mate, inklui populasaun barak hetan torturasaun,tanba iha levantamentu nee,maske Joven ho asuwain falintil sira konsege halo asaltu iha KORAMIL Alas hadau kilat 36 husi militár Indonézia, maibe ikus mai rezulta ema rejiténsia barak hetan sofrementu too ohin loron.
Hatan ba assuntu Nee Administrador munisipiu manufahi Arantes isak sarmento informa Ministériu veteranu no antigu kombatenti mós iha ona planu atu harí jardin dos heroi iha postu sira iha Timor Leste, tanba nee administrasaun postu Alas hamutuk ho veteranu sira,hahú ona identifika atu harí jardin dos heroi iha postu Alas hodi valoriza istóra luta ba jerasaun tuir mai.(esm)
