Manufahi RKM News—–Estudante eskola Pre-eskolár na’in atus tolu rua-nulu resin-haat (324), husi eskola 28 iha postu administrativu Same ho postu administrativu Turiscai kinta-feira (10/12), hetan graduasaun ba dala nén iha salaun parokiál Nossa Senhora de Assunção Same Munisipiu Manufahi.
Kordendóra jerál eskola Pre-eskolár munisípiu Manufahi, Francisca de Oliveira hateten estudante na’in atus tolu rua Nulu resin hat (324) ne’e, tuir ona prosesu aprendizajem durante tinan ida iha iskola pre-eskolár 28, iha postu Same iha eskola 24 no postu administrativu Turiscai iha eskola 4, no serimónia graduasaun ba dala nén ne’e hetan kontribuisaun osan husi inan-aman kada alunu ho osan dollar Amérikanu sanulu ($10,00), no profesora na’in 47 kontribui osan dollar Amérikanu sanulu ($10,00) kada profesora.
Fatin hanesan diretór jerál ensinu báziku no rekurenti, Apolinário Serpa Rosa hateten edukasaun pre-eskolár maka alisersu ba nivél ensinu hotu-hotu, tanba ne’e tuir politika ministériu edukasaun joventude disportu, sei esforsu loke eskola pre-eskolár iha suku hotu iha teritóriu tomak, li-liu suku sira ne’ebé dook husi munisípiu no postu administrativu sira, tuir planu estratéjiku dezenvolvimentu nasionál tinan 2011-2030.(Esm)
