Manufahi RKM News====== Dadaun ne’e iha Munisípiu Manufahi, sidadaun na’in 20 kompostu Feto ema 10 no Mane ema 10 maka hala’o hela kuarentina iha Same, no ema na’in 43 kompostu husi feto ema na’in 14 no mane na’in 29 aplika auto kuarentina iha Munisípiu Manufah, asuntu hirak ne’e relata iha enkontru avaliasaun servisu komisaun covid-19 Munisípiu Manufahi iha salaun Administrasaun Munisípiu Manufahi, segunda-feira Semana Ne,e(22/03)
Diretóra Servisu Saúde Munisípiu Manufahi Florençia Corte-Reál Tilman hateten, komesa husi loron 8 to’o loron 19 fulan Marsu tinan 2021 sidadaun Manufahi oan ne’ebé tama mai iha Munisípiu Manufahi, ho total ema na’in 374 kompostu husi Mane ema na’in 188 no feto ema na’in 186, no parte saúde hala’o teste ka SWAB no haruka ona ba Dili hodi halo teste, maibe to’o agora seidauk haruka nia rezultadu mai iha Manufahi.
Diretóa Saúde ne’e husu kolaborasaun husi parte hotu, atu atensaun didi’ak ba sidadaun ne’ebé tama sai iha área Munisípiu Manufahi tenki teste ka (SWAB), nune’e bele halo prevensaun ba transmisaun lokál, tanba dadaun ne’e kazu positivu covid-19 iha Timor Leste sa’e ona ba 206, iha dadus Domingu horsehik (21/03) Dili Kazu foun covid-19 ema na’in 43 maka positivu, Baucau ema na’in 11 no Viqueque ema na’in 1.
Jornalista :Vascu Mendez
Editora : Senya Carmo
