Manufahi RKM News__Bee manas Natural ne’ebe lokaliza iha area Wefauk,Aldeia Kledik, Suku Fatukahi, Postu Administrativu Fatuberlio, Munisipiu Manufahi Sai potensial ba Fatin Turismu Komunitaria hodi bele atrai turista sira husi Rai laran no Rai liur ba vizita fatin refere, maibe kondisaun estrada maka difikulta movimentasaun ..(Tersa/25/05)
Xefe Juventude Fatukahi Vidal Martins ba Radio Komunidade hateten Bee Manas Natural Wefauk hetan vizita ona husi ema lubun maibe kondisaun estrada at hodi difikulta movimentasaun ema ho transporte atu ba vizita fatin refere.
Bee Manas Wefauk konstrui ona tanki haris ida ho nia medida Naruk metru nen no Luan metru hat husi Estudante Estajiadu Eskola Tekniku Vokasional Francisco Borja Da Costa Fatuberlio, maibe estrada maka seidauk diak, tanba ne’e husu Governu atu tau atensaun hodi hadia estrada liga Postu Administrativo Fatuberlio Vila ba Bee Manas Natural Weafauk..Hakotu Xefe Juventude.
Entertantu Bee Manas Natural Wefauk bele kura Moras sira hanesan isin kulit Katar, Mear, Lepra, kanek no seluk seluk tan.
Jornalista : Radio Komunidade 1912
Editor : Radio Komunidade 1912
