Manufahi RKM News ==== Fundasaun Daraeleman hamutuk ho Autoridade munisípiu kuarta-feira (05/08) ne’e ofisíalmente halo abertura loke eskóla foun Ensínu sekundáriu tékniku vokasional são João Maria Vianney (ESTV-SJMV) iha munisípiu Manufahi.
Diretór ezekutívu ESTV-SJMV Handrianus da Costa iha ninia diskursu hateten ezisténsia Ensínu sekundáriu tékniku vokasional são João Maria Vianney (ESTV-SJMV) iha munisípiu Manufahi, sei loke departamentu 7 hanesan kursu Automótiv , Elétrisidade,Kontrusaun sivíl , Informátika ,Eletrónika,Multi média, Kusteira no móde ba alunus sira ne’ebé remata ona iha eskóla Ensínu bázika.
Tuir Handrianus da Costa katak ESTV-SJMV sei hahú uluk ho departementu 3 kursu Eletrisidade,Kontruksaun sivíl no Infomátika,liu husi kursu 3 ne’e fundasaun daraeleman prepara dadaun manorin na’in sira no kursu seluk sei iha fáse preparasaun.
Fatin hanesan diretór edukasaun munisípiu MAnufahi Trinito Sarmento hateten ezisténsia iskola tékniku vokasional ida ne’e urgullu boot ba povo Manufahi, iha parte téknika konsidera ona ninia ezisténsia maibé iha parte administratívu sei liu husi prosesu lubuk ida, aprosímasaun fundasaun ho ministériu edukasaun hodi bele hetan legálidade no lisensa operasional ninian. tanba ne’é ekipa ministériu edukasaun sei halo avaliasaun ba rekezítu báziku rekursu sira ne’ebé nesesáriu ba ezisténsia no susténtabilidade eskola ida ne’e iha futuru.
Nune’e mós konsileiru fundasaun daraeleman Dr.Paulo Remedios hateten ezisténsia iskola tékniku vokasional ida ne’e importante hodi prepara gráduadu emprégu di’ak iha Timor leste, no importante atu redús despéza ba família no bele akumúla Timor oan sira husi munisípiu seluk bele hetan kursu iha munisípiu Manufahi, eskóla tékniku ne’e sei prepara rekursu di’ak iha Timor hodi responde ba derzenvolvimentu refinária iha parte tasi mane nian.
Administradór munisípiu Manufahi Arantes Isaas Sarmento agradese ba matenek Manufahi oan sira, ne’ebé funda eskóla tekniku ida ne’e, hodi prepara rekursu kontribui ba dezenvolvimentu munisípiu no Timor leste.
Entretantu presidenti fundasaun daraeleman João Noronha hateten, prosesu aprendisájem iskóla tékniku vokasional ne’e durante tinan 4 nia laran,provisóri sei úza eis eskola pré-sekudária são Miguel Arkansu Babulo hodi hein prosesu kontruksaun uma eskóla ESTV-SJMV ne’ebé dadaun ne’e
prosesu kontruksaun la’o hela iha bubularan besik área jardin dom boa ventura Manufahi luak-Manufahi.(RKM)
