MANUFAHI RKM NEWS ==== Ministério Obras Públika (MOP) halo enkontru evaluasaun no identifikasaun ba Uma Kbi’it Laek (UKL) no uma Millenium Development Goal’s (sigla-Inglesh) (MDG’s), kazerna polisía, uma veteranus no seluk-seluk ne’ebé konstrui hahú iha tempu ukun-a’an to’o agora iha munisipíu Manufahi.
Lia hirak ne’e hato’o husi deretora nasional habitasaun, Lolita Amaral iha salaun administrasaun munisipiu Manufahi Kinta (21/10) hafoin enkontru hamutuk ho autoridade postu administrativu, suku, reprezentante veteranus munisipíu inklui serbisu lina sektorais no serbisu delegasaun ho joventude.
Iha ambitu enkontru koordenasaun ne’e, Diretora Nasionál Habitasaun, Lolita Amaral hateten, habitasaun hanesan fator ida ne’ebé importante atu hodi hasai ema husi ki’ak no mukit ba tratamentu dignu no prosperu iha sosiedade nia le’et.
Tuir Lolita katak, habitasaun konsagra ona iha konstituisaun Repúblika Demokratika Timor Leste (K-RDTL) artigu 58 ne’ebé koa’lia kona-ba Habitasaun ho objetivu atu identifika problema no halo evaluasaun ne’ebé konstrui hahú husi Timor indepedensia to’o agora tanba ne’e mak foka liu ba habitasaun sosial ka Uma Kbi’it Laek (UKL), uma veteranus, uma kazerna polisia.
Nune’e habitasaun foka liu ba iha estrada, eletrisidade, be’e mo’os, eskola, sentru saúde, Merkadu,Igreja no seluk-seluk tan ne’ebé sai hanesan nesesidade bazika ba umana nian.dehan Lolita.
Fatin hanesan administrador munisipíu Manufahi, Arantes Isaac Sarmento, hateten, enkontru ne’e importante tebes ba hotu-hotu iha Manufahi hodi hatene kona-ba obra ne’ebé halo husi governu anterior no oitavu governu konstiusionál.Hateten Nia
Administrador Sublina tan katak, prosesu dezenvolvimentu iha munisipíu Manufahi ita hotu hatene liliu programa governu nian kona-ba MDG’s no UKL ne’ebé dala barak mós kondisaun balun la refleta ho ema ninia karakteristika neduni buat ne’ebé halo hare fila fali nune’e presiza hadia iha parte balun.Hakotu Nia(senhya)
