Manufahi RKM News-sexta feira (03-12),tinan 2022 dirasaun Ekipa peskíza sei haruka Ekipa Peskíza Arkelójia(EPA) atu halo peskíza ba fatuk-hada antígu hanesan kastélu tradisonál beila sira nian.
Diretór nasionál patrimónia kultúra Gíl Paulino Santos Oliveira hafoin partisipa iha serimónia lansamentu rituál atu harí monumentu proklamadór nian, iha knúa antígu avó Xavier nian iha postu Turiscai sexta Semana ne’e hateten, ekipa peskíza arkelójia, atu halo peskíza ba fatuk-hada antígu kastélu Hanesan tradisonál beila sira nian.
“nune’e ita hodi hatene lolós ninia ezisténsia harí iha sékulu hira, tanba fatuk-hada antígu hirak ne’e hola parte eránsa kulturál Timor Leste nian”dehan nia
Nia hatutan tán ne’e ekipa peskiza ne’e sei halo mós peskíza ba fatuk-ku’ak, knúa antígu sira no ema nia ain iha fatuk iha postu Turiscai, tanba antígu testamentu beila sira la hela iha uma maibé hela iha fatuk ku’ak no fatin antígu sira seluk.
Gíl Akresenta ,molok halo peskíza dirasaun ne’e sei halo kordenasaun ho autoridade no lisan sira,nune’e prosesu peskíza bele la’o ho di’ak.
“no ekipa peskíza sei halo peskíza mós ba knúa antígu ne’e nia okos tanba deskonfia iha óbra balun ne’ebé beila sira halo hela iha rai okos iha avó Xavier nia knúa antígu ne’e”nia haktuir
Entertanto Dirasaun nasional patrimónia kultúra servisu hamutuk ho universidade nasionál Austrália, sei halo análiza iha laboratórium ba rezultadu peskíza ne’ebé ekipa arkelójia halo peskíza iha postu Turicai, inklui mós knúa antígu,fatuk ku’ak sira seluk iha Timor leste Tomak. (erkm).
