Manufahi RKM News-Quinta feira (14/07) ohin komisaun funsaun públika realiza simulasaun promosaun grau rejime jeral kareira iha administrasaun ba tinan 2022 iha salaun administrasaun Munisípiu Manufahi.
Directora rekrutamentu dezenvolvimento kareira komisaun funsaun públika Marcelina Irene dos Santos Mesquita “husu Ba funcionários Sira atu atensaun didiak iha esplikasaun Kona Ba lalaok texte na promosaun grau ne’ebe sei realiza iha Fulan agosto tina Ida ne’e,
Nia hatutan tuir lolos simulasaun ne’e halao iha tinan kotuk maibe Tamba miau pandemia kovid19 ,Tamba ne’e komisaun funsaun publika manda deit vídeo simulasaun Ba funcionários Sira.
Administradór Munisípiu Manufahi Arantes Issak Sarmento imforma,Lori administrasaun Munisipio Nia Naran agradese Ba comisaun funsaun públika ne’ebé ohin hala’o simulasaun grau rejime kareira ninian,e simulasaun ne’e importante tebetebes ba funcionario públiku sira atu hodi hatene lalaok prosesu simulasaun .
Tamba funcionario sira hanesan motorista sira no seguransa civil sira preokupa kona ba materia promosaun grau ne’ebé realiza iha funsaun públika ,
tamba matéria teste la kondiz ho sira nia serbisu no liu husi simulasaun ne’e bele haklean liu tan sira nia konesimento hodi hala’o sira nia preparasaun hodi bá tuir teste iha tinan ida ne’e.
Entretanto vaga ba promosaun ba tinan ne’e ho totál vaga 1.936 .
