MACLN Realiza inkontru forma komisaun organizadora halót restu mortais iha Osuáriu Luak Manufahi

Manufahi RKM News—kinta feira (14/07), Ministériu Asúntu  kombatenti libertasaun nasionál (MACLN) konvoka inkontru ho diretores lina Ministeriais sira hodi kria komisaun organizadora ba halót restus mortais iha osuáriu Luak Manufahi.

Xefi gabinteti MACLN Mário de Araújo, hateten, serimonia halót restu mortais 33 ne’ebé dadaun ne’e  asegúra hela iha Osuáriu Luak-Manufahi.

“ ne’e ita  konsidera serimonia estadu nian ne’ebé estadu maka  sei  realiza iha loron 28 fulan-Júllu tinan 2022” dehan Mario iha Sala inkontru Administrasaun Munisípiu Manufahi

Ho ida  ne’e ita presiza kria komisaun organizadóra munisipal hodi organiza serimonia soléne halót martir sira  nia  ruin iha luak.

liuhosi inkontru ne’e Administardór Munisípiu Manufahi Arantes Isaac Sarmento, deside kedas Administardór postu Same maka sai hanesan Presidente komisaun organizadóra, ba serimónia halót réstu mortais no husu diretúr servísu munisipal sira atu apoiu hodi fo suksesu ba serimónia ne’e.

enkuantu MACLN  alóka osan $ 34,000.00 ne’e fahe ba rua, osan balun husi Ministériu maka kaer hodi apoiu atividade balun hanesan publisidade, konvite, Banner no seluk tan, osan ho montante rihun $ 21,000.00 alóka ba komisaun organizadóra Munisipiu Manufahi, maka utiliza hodi apoiu ba programa serimónia halót réstu mortais iha Osuáriu Luak-Manufahi.

Entretantu Presidente komisaun mak Administardór postu Same Adelino Costa Araújo, víse I diretóra Serbisu sentru solidariadade sosiál Munispiu Manufahi, víse II diretúr servísu Notariadu Munispiu, Sekretáriu diretúr asaun sosiál Munispiu no tezoreiru diretúr finansa administrasaun Munisípiu.(esm)