Manufahi RKM News === loron 16/10 husi Tragedy Balibo V ita hahu tama ba komemorasaun loron Nasional Liberdade Imprensa, loron Liberdade Imprensa iha loron 16 Fulan Outubro komemorasaun ne’e bazeia ba Rezolusaun Parlamentar ne’ebe aprova iha fulan Maio liu ba, lia hirak ne’e hato’o husi Presidente Konsellu de Imprensa Virgilio Guteres iha Posto Administrativo Balibo Munisipiu Bobonaro, tamba ne’e hahu ohin ba oin tinan – tinan ita komemora loron Nasional Liberdade de Imprensa iha ne’e hodi hanoin mos Jornalista nain 5 mate iha fatin ne’e maibe ita hanoin to’o Jornalista ne’ebe mate iha 1975 to’o 1999 ita bele dehan sira nain 5 mate iha ne’e hahu husi rai ketan no Jornalista Agus Mulyawan ne’ebe mate ho Madre sira iha Lautem. Ita mos hanoin jornalista sira ne’ebe sei moris durante ne’e sira halo kontribuisaun kobertura hodi Dizamina informasaun luta ba independensia ninia, hahu husi oin ba oin ita hahu bolu Balibo hanesan mos Vila ba Liberdade Transformasaun husi Knua naran laek ne’ebe ema sei hanoin ba nafatin ba vila ba liberdade.
Iha tempu hanesan konsellu de imprensa mos hato’o Agradese wain ba parte hotu ne’ebe disponivel hodi kopera ho Konsellu de Imprensa liu liu Centro Nasional Chega liu husi membro ami hakarak hato’o ami nia espiritu de Koberasaun ne’ebe makas liu tan ba oin agradese mos ba radio Televisaun de Timor Leste, Telivisaun Edukasaun Timor Leste, GMNTV, ba Transmisaun ne’ebe hahu horseik kedas. Hato’o mos parabens ba premiadu sira ne’ebe ke hetan ponto as liu atu hetan premiu Jornalismu nian, Infelismente konellu Imprensa hare aplikante jornalista ladun barak ba tinan oin konsellu Imprensa sei loke tan formasaun nune husi partisipasaun aplikante jornalista bele barak liu tan hatete Virgilio.
Entertantu iha komemorasaun ne’e partisipa husi Jornalista sira hotu husi media iha Timor Laran tomak komemorasaun balibo v ba dala 47 partisipa mos husi Membro Governo sira mak hanesan SEKOMS, Vice MAE, Presidente Konsellu Ministro no konvidadus autoridade munisipiu Balibo no Veteranos e Familia Sofrevivente sira hodi lansa fatuk dahuluk ba monumentu Balibo.
Jornalista : Vas
