Manufahi RKM News – Jornalista tenki evita públikasaun notísia ne’ebé durante kampaña eleisaun parlamentar tinan 2023, sira hato’o lia fuan propaganda hodi soran partidu no ataka malu iha palku leten.
“Ami agora prepara ona matadalan ba Jornalista atu halo kobertura iha kampañia no elisaun Parlamentar iha periodu tinan 2023, atu evita politiku sira labele ataka malu iha palku. Maibe aprezenta programa politika.”
Lia hirak ne’e hato’o husi membru Konselleiru Konsellu Imprensa (CI-sigla Portgues), Francisco Belo ba formandu treinu kobertura demokrasia no eleisaun ne’ebé organiza hosi Asosiasaun Jornalista Timor-Lorosa’e (AJTL), Kinta, (20/10/2022).
Konselleiru Francisco esplika liutan, lei eleitoral fo espasu ba partidu politiku hodi halo propaganda politika atu insulta malu iha palku hodi la kontribu ba pas.
Nune’e atuál Diretor Hatutan.com ne’e husu ba Jornalista atu kontribui ba liderdade imprensa. Jornalista tenke kontribui ba pas. Labele soran lider partidu politiku hodi ataka malu iha palku. Evita soran partidu politiku iha tempu kampania eleitor eleisaun,
Aliende nee katak Konseleirru Francisco, CI prepara ona mata dalan kobertura eleisaun. Mata dalan ne’e sei orienta Jornalista hodi halo kobertura
ba los deit programa politika. Nune’e Jornalista nia prejensa iha kampaña laos atu foti diskursu odiu sira ne’e, tanba ne’e husu jornalista atu evita foti diskursu.
“Ita ba foti programa atu introduz ba ita nia eleitor sira no rona nain sira kona-ba partidu sira nia programa, kona-ba partidu sira nia asaun bainhira sira hetan fiar husi povu ida ne’e, buat seluk kona-ba diskursu odiu sira ne’e dahuluk etika depois daruak ita ajuda estadu ida ne’e, atu promove demokrasia ho responsabilidade,’’dehan nia.
Nia hatutan iha eleisaun presidensial liu ba, CI nota katak iha infrasaun balun ne’ebe media komete, jornalista publika notisia la iha balansu.
“Iha esperensia kampaña eleisaun presidensial foin lalais ami nota katak, iha infrasaun ne’ebe media komete liu-liu infrasaun etika, dala barak liu jornalista sira halo kobertura la iha balansu, no buat seluk ne’ebe ami nota mak media balun kobertura la balansu,” informa nia.
Tanba ne’e CI sei kontinua komunika ho orgaun eleitoral sira hanesan STAE no CNE atu prepara kartaun kredensial ba jornalista sira, atu fasilita jornalista halo kobertura iha kampaña no eleisaun parlamentar 2023.
Iha parte seluk Sekretariu Tekniku Administrasaun Eleitoral STAE Marquita da Silva informa konaba kampaña eleitoral iha elisaun parlamentar iha periodu 2023 atu evita Partidu politika sira akata malu STAE sei fasilita Jornalista atu halo kobertura ho edukativu.
“Ami hahu prepara ona atu kolia ho CI atu servisu hamutuk media hodi fasilita jornalista sira halo kobetura ba kampaña publika informasaun ho edukativu ba publiku,” hateten nia.
Nune’e mos STAE sei servisu hamutuk ho CI hodi fasilita karta kredensial ba jornalista sira atu bele asesu livre iha elisaun atu evita informasaun falsu sira akontese iha sentru voltasaun.
“Laos deit iha kampaña ami mos sei apoiu jornalista fasilita karta kredensial ba jornalista sira atu vota livre iha sentru votasaun hodi publika rezultadu demokrasia sagradu iha Timor-Leste,” hakotu nia.
Entretantu tuir dadus medi ne’ebe rejista ona iha Conselho imprensa Timor-Leste hamutuk 20 resin kompostu husi media online, eletronika no media imprime no jornalista ne’ebe asesu ona karteira profissional husi CI hamutuk 300 ital.vas