Manufahi RKM News===Loron 27/10 ohin diresaun nacional transporte terrestre halao workshop sinais tranzito no disiplina uza dalan públiku hodi prevene asidente ba kondutores motorista sira iha salaun agrikultura Munisípiu Manufahi.
Iha intervista director nacional transporte terrestre Munisípiu Manufahi Faustino hateten,objectivo iha formasaun ne’e ,oinsá ema bele hatene utiliza estrada no oinsá kondutores motorista sira bele hatene sinais tranjito ninian,ita buka meios oioin para ema hotu bele hatene no komprende hodi garante seguransa iha dalan tuir regra ne’ebe iha.
Komandante komando policia Munisípiu Manufahi superentendente policia Joni Viana das Regras imforma servisu tranzito roda viaria sira alende sira prega klima ba ita boot sira ,sira mós eduka oinsá kondutores motorista Quando ita uja motor ka karreta labele uja aparelo sira hanesan telefoni no aparelo sira seluk ne’e perturba ita Nia orden públiku tamba ne’e maka ita nia manutensaun orden públiku no seguransa oinsá para ema moris iha ambiente ne’ebé mai ho disiplina maka motorista sira kondutores sira karik ita boot sira kondus karreta ka motor primeiru estar ne’e disiplina,talves iha ema balu uja karreta ka motor iha dalan públiku ho situasaun alkoliko ne’e perturba orden publiko tamba maioria asidente ne’e be akontese tamba alkoliko.
Disiplina tuir dalan loloos maka ita tenki komprementa lei sira kodigo de estrada sinais tranzito tamba nia maka fo esperitu korajen ba ita oinsá atu bele kuda vertude ida dehan katak matan moris neon nain.
Fatin hanesan Reprezenta Administradór Munisípiu Manufahi Filomino Amaral akresenta,agradese ba DNTT-PNTL servisu hamutuk hodi transmite informasaun ba maluk kondutores no motorista sira, tamba dala barak ema la respeta disiplina la respeta ema nia vida hodi fo risku ba ita nia aan,tamba ne’e maluk sira ita tenki respeitu dalan respeitu disiplina no sinains tranzito sira respeitu mós ema nia vida,tamba ohin loron dezenvolvimento dalan komesa di’ak aumenta ,ita boot sira imajina iha tempu uluk qundo dalan aat asidente ne’e menus ,mais dalan ne’e di’ak asidente aumenta no risko mós barak.tamba nee utiliza dalan ne’e ho didiak atu nune labele akontese dezastre ne’ebé fo risko ba ita nia aan .
Entretanto workshop ne’e hala’o loron ida hetan partisipa husi kondutores karreta no motorista sira iha manufahi. Reportajen Ina
