Manufahi RKM News __Kinta loron (27/10) Ministeriu Planeamentu Ordenamentu (MPO) liu husi Diresaun Jerál Ordenamentu Teritorial (DNGOT) halo Pre-Sosializasaun Elaborasaun Planeamentu Munisipal Ordenamentu Teritorial (PMOT) ba Diretores serbisu munisipais, serbisu delegasaun no xefe departamentu sira iha munisípiu Manufahi durante loron ida.
Iha sosializasaun ne’e, Diretor Nasionál do Ordenamento Espacial,DNO,DGOT-MPO Kassius Kleis Ximenes esplika, ekipa mai halo introdusaun ba Planeamentu Ordenamentu teritorial, informa enkuadralentu legal sira ne’ebé fasilita aktividades planu municipal ordenamentu iha ambitu nasionais no munisipais.
Aliende ne’e lei baziku Ordenamentu territóriu númeru 06/2017 loron 19 fulan-Abril no iha ne’ebá iha mós diploma komplementar tolu ne’ebé mensiona artigu 32 ko’alia kona-ba rejime juridiku ba instrumentu Planeamentu teritorial ho númeru 35/2021 loron 30 fulan-Juñu.
“Iha mós rejime juridiku ba klasifikasaun utilizasaun solu iha artigu iha númeru 08/2021 no sira ne’e importante tebes”dehan Cancio ba jornalista sira
Neduni liu husi Pre-Sosializasaun ne’e atu hodi fó ideas ba malu hodi entidades hotu-hotu iha munisípiu Manufahi ninian ne’e intende ona saida lo’os mak Planeamentu Ordenamentu Territóriu no benefisiu ho fin sira.
“Bainhira intende ona iha implementasaun Planeamentu Ordenamentu Territóriu bele intende malu hodi fasilita aktividades la’o ho di’ak”nia dehan.
Aktividades ne’e rasik hala’o ona iha munisípiu Baukau, Lospalos, Viqueque, Ermera no munisípiu Bobonaro ne’ebé tama ona iha faze karakterizasaun diagnostika teritorial.
“Ohin ami iha Manufahi ita bele intende malu nune’e tinan oin bele komesa ona planeamentu municipal teritoriu tanba aktividades refere ninia prosesu iha ona aprovizionamentu”nia esplika.
Fatin hanesan repzentante administrador Munisípiu Manufahi atual xefe gabinete adminístrasaun munisípiu Manufahi, Filomino Tilman husu partisipantes sira atu aproveita informasaun kona-ba baze legal no tékniku ba implementasaun ordenamentu.
“Ha’u nafatin husu dirijente tantu husi serbisu no serbsiu delegasaun sira inklui xefe departamentu sira atu partisipa ho masimu iha Pre-Sosializasaun ne’e”nia hakotu.
