Manufahi RKM News ===Loron 4/11 Besi kanu merbuti hetan estragus hodi la fornese bee mos ba komunidade sira iha Same laran tamba aii hun boot ne’ebe monu iha area bee ulun merbuti impaktu husi anin boot horseik loraik .
Kordenador BTL,EP.-Bee Timor-Leste Munisípiu Manufahi Gribaldino Pereira ba Jornalista Radiu Komunidade 1912 Same hateten ‘’ida ne’e hanesan Dezsatre ida horseik aii boot ida monu baku tohar besi kanu nemak bee hodi la ba komunidade tuir los ami halo reparasaun ohin maibe tamba udan ami adia fali ba aban, ohin ami kontaktu ona ho Bomberus hodi tesi aii nebe hanehan hela besi aban ami hahu serbisu hamutuk hodi instala fali kanu sira ne’ebe at ne’e, kanu ho diameter 150 DN. Kanu ne’ebe kotu mak fornese bee ba kapital Same, kordenador ne’e agresenta liu tan katak ohin sira simu mos kontaktu husi komunidade tamba la asesu bee mos , hatan ba preokupasaun ne’e kordenador BTL,EP.hateten aban sira sei serbisu hamutuk ho Bomberus tesi aii hodi normaliza fali bee mos ba komunidade sira iha capital Same.
Entertantu BTL,EP. Munisipiu Manufahi oras ne’e dadaun monta mos plaka naran iha Bee ulun sira hamutuk hitu no tempu besik sei identifika tan fatin seluk hodi monta,objetivo husi monta plaka iha bee ulun ne’e atu ita nia komunidade ka visitor sira mai karik bele hatene fatin sira.
Reportajem. vas
