ATUALIZASAUN PREVIZAUN TEMPU BA FIM DE SEMANA (13-14/04/2024)

ATENSAUN BA UDAN⚠
(BAUCAU, BOBONARO, MANATUTO, MANUFAHI, VIQUEQUE no LAUTEM).
MTC-DNMG, Liu husi ekipa previzaun tempu no eventu extremu, hakarak informa ba komunidade em jeral iha teritoriu Timor laran, katak kondisaun tempu atmosferika sei kontinua instavel durante FIM DE SEMANA ne’e nia laran, iha ne’ebe sei kontinua favorese UDAN ho intensidade FRAKU-MODERADU/NATON, tantu iha rejiaun Kosteiras kuantu rejiaun montanhosas/foho sira, preferensialmente iha periodu LOROKRAIK-INISIU KALAN. Detallu bele hare iha (tabela) anexu.
#KONDISAU ANIN & LALORAN TASI DURANTE FIM DE SEMANA#
Velosidade ANIN durante FIM DE SEMANA ne’e nia laran sei varia husi NORMAL-MODERADU (9-18 km/h) prinsipalmente iha KOSTA SUL, liu-liu ba munisipiu sira hanesan tuir mai ne’e: (COVALIMA, MANATUTO, MANUFAHI, VIQUEQUE no LAUTEM). Enkuantu LALORAN TASI nia A’AS durante fim de semana ne’e nia laran sei kontinua NORMAL (0.5-1.0m) tantu iha KOSTA NORTE no SUL.
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona previzaun Tempu husi DNMG Timor-leste.
*Bulletim emitidu : 12/04/2024 (16:50 OTL)
*Bulletim Validu : 15/04/2024 (00:00 OTL)
#CENTRO DE MONITORAMENTO E PRVISÃO DE TEMPO E CLIMA & EVENTU EXTREMU MTC-DNMG#.