Manufahi RKM News-tersa fera (07/08) ohin instituto Dom Boaventura Timor-Leste (IBTL) halo gradusaun dahuluk ema nain sanulu resin hat (14) fakuladade ekonomi nain (3) no fakuldade enginaria iha luak Same Manufahi
Iha Serimónia graduasaun Lider Karismatika Kairala Xanana Gusmão iha diskúrsu hateten hau preukupa kada tinan institútu no universidade iha Timor leste halo fali kompetisaun graduasaun ba graduante sira,
Ami halo ona inkontru ho universidade no institútu hodi ko’alia kona-ba kualidade ensinu inklui defikuldade ne’ebé sira hasoru bele mosu dezafiu iha future kona ba kualidade ensínu iha Timor leste
Tanba kualidade edukasaun sai dezafiu bo’ot maske universidade produz graduante barak iha fakuldade agríkultura barak maibé realidade produsaun agríkula iha rai laran menus kontinua importa ai-haan husi rai li’ur, dehan lider karismatika Kairala Xanana Gusmao.
Husu ba institútu Boa Ventura Timor Leste lalikan aumenta tan fakuldade seluk Maibe foku de’it ba fakuldade 4 agora eziste ona hodi garantia kualidade ensinu iha Futuru no IBTL la’os de’it forma foinsa’e sira sai matenek, maibé forma karakter foinsa’e sira, sai sidadaun ne’ebé di’ak hodi kontribui ba dezenvolvimentu.
Administrador Munisipiu Manufahi Arantes Isaac Sarmento agradese ba Aman veteranu sira harii ona institútu ida iha Manufahi hodi fasilita povu nia oan ne’ebé la iha kbi’it atu kontinua nia estuda iha kapitál Dili,
agradese mós ba prezensa líder istóriku Kairala Xanana Gusmao iha serimónia graduasaun iha IBTL ho prensensa lider karismatika sei lori susésuba institútu Boa Ventura Timor-Leste iha futuru.
Reitóra IBTL DR.Quiteria da Costa,MPA hateten institútu Boa Ventura Timor leste harii iha tinan 2017 husi aman veteranu sira ne’ebé lidera husi aman veteranu Riak Leman hamutuk ho matenek Manufahi ho naran universidade boa Ventura Timor-Leste maibé to’o ikus transforma fali institútu Boa Ventura Timor-Leste (IBTL).
Institútu ne’e harii estudante ne’ebé rejista iha prímeira Etapa ho totál estudante na’in 99 iha fakuldade 4, fakuldade agríkultura, enfermajem, ekonomia no
fakuldade enginaria, hafoin durante 5 maske hasoru defikuldade oin-oin maibé ohin (07/02) estudante sira iha IBTL hetan duni lisensa husi Ministériu ensínu superiór siénsia kultura,
Hodi realiza graduasaun dá-huluk ba graduadu na’in 14 husi fakuldade rua (2), fakuldade Ekonómia no fakuldade enginaria Manufahi marka istória bo’ot no susésu ba estudante inan aman no dosente sira.
Susésu ne’ebé IBTL hetan esforsu husi estudante inan-aman dosente no estrutura tomak IBTL nian no agradese ba estudante sira nia esfórsu ho apoiu sira husi veteranu Austrália,New Zelándia, no mós ba kompaña Santos Rotari Club apoiu ekipamentu sira,
Graduante Apolinaro de Jesus Pacheco bacharelato tékniku informátika, ha’u sente kontenti maske IBTL ne’e harii hasoru dezafiu oin-oin mosu rumoris oin-oin IBTL atu monu la monu, maibé liu husi aman veteranu sira nia esfórsu durante tinan 5 nia laran no konsege hetan rezultadu gradua.DCRJ/IC