Manufahi RKM News-segunda Feira (06-03),ohin Comisaun Nasionál Eleisaun (CNE) Munisípiu Manufahi Realiza Inkontru ho OSE nain 137 hodi ko’alia kona ba oinsá mak OSE sira sei Hala’o Kna’ar Bainhira Hala’o Kampaña Eleitoral no Edukasaun Cívika
Tuir Diretóra CNE Munisípiu Manufahi Milena Dos Reis hateten objetívu husi atividade ne’e CNE Fasilita sira hodi hasoru ona prosesu hanesan seleksaun dokumentus, Intervista Eskrita no orál ohin sira ona Rezúltadu di’ak.
“tamba ne’e ohin ami hasoru malu ho Ofisiál supervizaun eleitorál na’in 137 mak ativu ona Iha CNE”haktuir Diretóra CNE
Nia hatutan CNE sei hein Rezúltadu husi CNE nasionál hodi Fasilita Formasaun ba Ofisiál Supervizaun na’in 137 durante loron 3.
” Materia ne’ebé atu fasilita ba Ofisiál supervizaun sira kona ba Kampaña eleitoral no kona mos ba Edukasaun Cívika no eleisaun .
Fatin hanesan ofisial supervizaun Alfredu meskita das Neves husi suku Tutuluro agradese ba CNE Tamba bele hetan oportunidade kona ba Ofisial supervizaun iha eleisaun parlamentár.
“Nu’udar Ofisial Supervizaun eleitoral sei hala’o kna’ar tuir mata dalan ne’ebé ami hetan atu nune’e remata iha elisaun parlamentár tinan ne’e bele ho susesu ”
Entertantu Diretóra CNE Munisípiu Manufahi apela mos ba Komunidade no entidade hotu atu servisu hamutuk hodi Realiza eleisaun parlamentár ne’e ho di’ak iha tinan ne’e .(esm)
