EJPME Tuir Formasaun Kona Ba Aprovizionamentu Mata dalan Merenda Eskólar Iha Manufahi
Manufahi RKM News —Loron kinta feira (09/03),jestaun programa merenda eskolár hamutuk ekipa 16,, diretúr eskola ho nia Gabinete hamutuk ema na’in 60 resin tuir formasaun kona ba aprovizionamentu mata-dalan implemensaun programa merenda iha salaun administarasaun Munisípiu Manufahi.
Kordenadór Programa Merenda eskolár edukasaun Munisipiu Manufahi, Mateus dos Santos iha nia diskursu hateten, programa merenda eskola ne’e atu hala’o ba tinan ida ne’e iha sistema foun.
“tinan ida ne’e sei la hanesan ona programa merenda eskolár ne’ebé hala’o iha tinan hirak liu ba, tanba uluk eskola maka implementa direita, maibé agora tuir mata-dalan ekipa jestaun maka implementa”
Ho ida ne’e GAT no diretúr eskola sira halo kontrolu hodi garantia sustentabilidade programa ne’eiha tinan ida ne’e.
Tuir nia katak Merenda eskolar ida uluk ho sentavu $0,25 kada eskola maske la’o di’ak maibé teknikamente nafatin mosu failansu.
“ita atu melóra di’ak liu ba programa merenda iskolár ne’e ho sistema foun ne’e, presisa fo formasaun ba ekipa jestór sira, hodi implementa tuir matan-dalan ne’ebé estabeleze Ona”
Fatin hanesan Administradór Munisípiu Manufahi Arantes Hateten programa ne’e respónsabilidade másimu husi Ministériu administarasaun estatal (MAE).
“no atu implementa programa ne’e hahu estabeleze ekipa jestaun kada eskola, no halo kontratu ba ekipa jestaun, kontinua loke konta bankaria”
“Programa merenda iskolár ho sistema foun no programa merenda iskolár ne’e importante tebes tanba atu hasa’e krezimentu Nútrisaun ba alunu sira iha iskóla”
Administardór ne’e akresenta hahán ne’ebé atu fó haan Alunu sira, hahán prodútu lokal duni, la’ós sosa fali produtu iha loza ne’ebé kontamina ona ho kímiku, hanesan ayam potong, ikan kalen, biskuit no prodútu sira seluk, tanba hahán hirak ne’e tuir mata-dalan la autoriza fo haan Alunu sira iha iskóla Reporter(Vas&eva)
