Manufahi RKM News—Sexta Feira Semana ne’e Presidenti Repúblika (PR), Ramos Horta hateten Timor Leste tenki nakonu ho prodútu agríkula hanesan Kakau, kafé, vanila, sorgun no koto.
“Ita tenki nakonu ho prodútu agríkula no buat hotu-hotu nune’e hodi garántia seguransa alimentar”dehan PR Bainhira lánsamentu Kampaña kuda ai kakau Oan Iha Aréa Marimata Same Manufahi
PR haktuir tuir lolós ida ne’e la’ós prezidente ninia papel no lolos ne’e primeiru minístru ho Minístru agrikultura ninia papel, maibé hanesan prezidente halo kamapaña hodi ajuda.
Fatin hanesan reprezentante komunidade suku Letefoho no holarua, postu administrativu Same, munisípiu Manufahi, João Noronho deklara, komunidade iha rai privadu atu hodi kuda ai kakau oan.
“ ami iha rai privadu atu kuda ai kakau oan no ai-horis sira seluk ne’ebé bele benefisiu ekonomia ba familia”deklara João
Fatin Hanesan Administradór Munisípiu Manufahi Arantes Isaac Sarmento hateten, agradese ba Séfi estadu nia programa kuda ai kakau oan iha Manufahi.
Tanba ai kakau hanesan parte ida importante tebes hodi hasa’e kresimentu ekonomia ba komunidade. Tanba ne’e ba komunidade sira tenki kuidadu ai oan ne’ebé estadu fó
Entertantu kuda ai kakau oan hamutuk 333 no rai hektares 4 iha area Marimata Suku Letefoho Postu Administrativu Same, hafoin remata lansamentu ne’e Prezidente República ne’e kontinua kedas tetu sosa kakau musan husi to’os nain sira iha fatin lansamentu.(Vascu&esm)