Manufahi RKM News—-Segunda feira(24/04) ohin, Prezidente República hamutuk ho Arche Bispo Dili Dom Virgilio Kardiàl do Carmo da Silva SDB no Better Grup ,Grupu santa Bakita no Autóridade Munisípiu Manufahi Inan Aman Sira realiza Seremonia Inagurasaun Simbolikamente Kua Fita Hodi Lansa mós iskóla katólika internasionál Santa Josefina Bakita Iha Postu Administrativu Same Munisípiu Manufahi
Tuir Arche Bispo Dili Dom Virgilio Kardiàl do Carmo da Silva SDB ne’e hateten iskóla refere ba dala uluk loke Iha Munisípiu Manufahi tamba halo koperasaun hamutuk ho Better husi Austrália.
“Ida ne’e hanesan oportunidade foun ida ne’ebé husi Timor-Leste liliu iha Manufahi tamba ne’e iha Manufahi lolos ne’e iha Same Betano ho Turon Suku Babulo Fatin rua ne’e hotu tamba Rai La dun di’ak entaun ikus muda mai iha kapitál Munisípiu Manufahi Aréa Igreija nian tamba nai maromak nia tulun bele.mai loke iha same Villa tamba iskóla kualidade sira ne’e loke deit iha dili”
Nune’e mós Prezidente República DR José Horta Hateten iskóla ne’e hari insiativa husi Austrália oan ida Ho Timor oan .
“Ha’u Ajuda sira halo kampaña iha Austrália hodi buka Orsamentu hodi hari Eskóla ho kurikulum foun hanesan Austrália nian no hanorin tetum Inglés no portugués hahú uluk husi pre-eskolár maibe Ha’u halo kampaña ne’e la’ós iha Austrália de’it maibé halo mós iha Europa ,Amérika no mós nasaun sira seluk hodi tulun mós manorin Na’in sira kona ba Inglés hodi Hanorin ho kualidade Ne’ebé di’ak.
Fatin hanesan Autóridade Munisípiu Manufahi Arantes Isaac Sarmento lori povu Manufahi nia naran agradese ba Better husi Austrália nian no mós Arche Bispo Dili no Prezidente da República ho koperasaun ne’ebé di’ak hodi loke Eskóla Katólika Internasionál Santa Josefina Bakita iha Manufahi hodi garantia Eskóla ne’ebé kualidade di’ak.
Tamba ne’e Professores ne’ebé hanorin iha Eskóla refere husi Austrália na’in 4 timor oan na’in 3 no estudante ne’ebé mak dadauk ne’e Eskóla iha Santa Bakita hamutuk 50
