Manufahi RKM News—-Kuarta feira (03-05) ohin, Agensia internasional Programa ai han Mundial (WFP)hamutuk ho Administrador Munsipiu Manufahi Intréga material utensidu ba Eskola ensinu Báziku(EBC) Kolegiu Katólika São Miguel Arkanju COSAMAR Postu Administratvo Same Munisípiu Manufahi
Tuir Koordenadór Programa Agensia Internasionál (WFP) Ali Ahmad Khan iha intervista hateten material ne’ebé apoio mak hanesan Sanan, tasu, fugaun ,kanuru, balde inklui material ba ema sira ne’ebé Tein.
Ali Ahmad hatutan Agensia WFP apoio Governu atu hodi hadia merenda eskolár iha Timor Leste Liliu iha Manufahi.
“tamba ita hatene katak Timor Leste hasoru hela mal Nutrisaun no alimentasaun siguransa ai han ba estudante sira ho ida ne’e ami apoio material dapur nian ba eskola sira nune’e bele hadia di’ak liu tan merenda eskolár”
Ahmad sublina bainhira atribui ona material dapur WFP Sei formasaun hodi kapasita ba profesores no Edukasaun nune’e hodi implementa programa refere.
Diretór interinu Edukasaun Munisípiu Manufahi Pedro dos Reis agradese ba Agensia Internasionál WFP Tamba bele apoio ona material dapur nian tamba durante tinan 5 eskola refere la hetan material ne’ebé di’ak.
“tamba iha tinan hira liu ba kotuk eskola sira seluk mak hetan merenda eskolár maibe iha tinan 2023 eskola katólika sira hetan ona merenda eskolár “
Interinu ne’e hatrutan objetivu husi merenda eskolár ne’e atu hadia nutrisaun ba estudante sira hodi redus estudante ne’ebé abandona hela nune’e sira bele ativu iha aprendisagen.
Nune’e mos Autoridade Munisípiu Manufahi Arantes issak Saramentu akresenta material dapur ne’ebé apoio husi WFB ne’e hanesan material eskola nian uza ho responsabilidade nune’e hodi halo atendementu ba aluno sira iha prosesu merenda nian.
Ho ida ne’e nu’udár servidor ida iha Manufahi agradese ba WFP tamba bele servisu hamutuk ho Governu hodi apoio material dapur ba eskola sira
Fatin hanesan Diretór da eskola COSAMAR Padre Albinu Marques nu’udár Padre Parokia Nossa Señora de Assunsaun Same agradese ba Governu liu husi Agensia Internasionál WFP Ne’ebé apoio ona material dapur hodi garantia merenda eskolár ba ita nia oan sira .
Entertantu WFP Servisu hamutuk ho COICA Hodi apoio material merenda eskolár nian ba eskola sira au mesmu tempu sei halo mos dapur ba Eskola sira ne’ebe mak persiza
Jornalista :Betty Tilman
Editora : Eva Marques
