Manufahi RKM News—-Administradór Munisípiu Manufahi hamutuk ho ekipa sentru solidariadade sosial, jestaun rísku dezastra, ekipa apoiu organizasaun komunitária no PNDS sesta-feira (19/05) ohin, apoiu solidariadade ba ema ho defisiente no inan faluk na’in 9 iha postu administrativu Same no Fatuberliu, hanesan jestu hodi komemora loron restaurasaun independénsia.
Administrador Munisípiu Manufahi Arantes Isaac Sarmento hateten, apoiu solidariadade ne’e programa Rutina Administradór Munisípiu nian hodi komemorasaun loron restaurasaun independénsia, no programa Rutina kada sesta-feira vizita no apoiu solidariadade ba ita nia komunidade vulniravel sira, liliu maluk ema ho defisiente sira.
“Ohin ami lori apoiu solidariadade ne’e ba ita nia inan defiente Adelina Doutel Sarmento tinan 51 la’o la diak durante tinan ida, iha Bairo Buirudu Aldeia Riatu suku Daisua postu Same, maibe hela iha area administrativamente munisipiu Ainaro Hatu’udo, hela uma ho kondisaun aat maibe ladauk hetan uma Naroman ba povu (UNP), iha vizita ne’e komunidade uma-ka’in 30 resin iha Bairo refere ladauk asésu ba bee-moos,”Arantes isplika”.
Administradór Arantes subliña, hau ho diretur PNDS Munisípiu, sei kordena ho Administradór Munisípiu Ainaro hodi buka solusaun, karik munisipiu Ainaro la responde, Munisipiu Manufahi bele resolve uma UNP ba inan defiente Adelina inklui bee moos ba komunidade Bairo Buirudu.
Administradór Munisípiu Manufahi Arantes Isaac Sarmento argumenta, ekipa konjunta ne’e, kontinua halo mos vizita ba defiente na’in 2 seluk iha area merkadu simpan-tiga suku Daisua, Fernando de Araújo tinan 49 hetan moras la’o ladi’ak husi tikan 2021, ne’ebé tuur uma ho kondisaun atu monu maibe ladauk hetan UNP.
Ami moos vizita inan faluk Justina Doloroza idade 56 iha aldeia Loti Suku Daisua, laen ema Munisípiu Aileu, maibe laen devorsiu tiha tanba hetan moras durante tinan 8 ona.
Arantes isplika, hafoin remata fó apoiu solidariadade ba ita nia maluk defiente na’in 3 iha suku Daisua, ekipa konjunta kontinua ba vizita inan faluk ida iha postu Fatuberliu tanba hetan dezastra Ahi haan nia uma foin lalais, no viziñu sira maka ajuda hela.’, inklui ai nan faluk na’in 3 iha sub-aldeia webikas bitirai suku Klakuk postu administrativu Fatuberliu.
“Remata iha Fatuberliu ekipa konjunta kontinua ba vizita hodi apoiu ita nia maluk defiente ida mota kelan no defiente ida seluk iha ailora suku Dasiua tanba tinan naruk toba deit iha kama laran” nia isplika”.
Entertantu iha vizita ne’e alem de fo apoiu fos, ekipa sentru solidariadade sosiál Munisípiu, foti mos dadus ba ema ho defisiente sira, hodi fasilita tratamentu saúde, inklui haree mós sira nia fasilidade hanesan kadeira roda no sira nia kondisaun uma.
Reportájem Ekipa Kobertura
