MANUFAHI RKM NEWS—Kuarta loron (24-05) ,Komunidade Husi Postu Administrativo Same Munisípiu Manufahi preokupan tamba fos,Masmidar no mina iha Merkadu Same Folin sa’e .
Komunidade Marino Lopes husi Suku Grotu hateten nu’udar komunidade senti preokupa ho saasan folin sa’e tambá fos tali merah 25 Kg ho folin osan dollar amerikanu $16.00 , mina 5 litter $ 7.00 no masin midar saku ida hetan osan dollar amerikanu $ 85.00.
“ami nudar povu agrikultura ne’ebé tur iha rai fan produtu folin la sa’e iha loja folin sa’e hon ida ne’ ami nia produtu ida fan ne’e dala ruma hola fos saku ida mos la to’o iha lei hatete ona katak povu ne’e mak importante maibe realidade povu nafatin iha rai”dehan Marino Lopes Iha Areadores Merkadu same
Marino hatutan Fos Folin sae impaktu ba komunidade ne’ebé mak kbi’it la iha liliu iha area remotas sira.
“ami iha foho dala ruma halerik ho matan be’en tamba fos folin sae hela distansia do’ok ida ne’e susar tebes ba ami”
Tamba ne’e nia parte husu Governu foun bainhira kaer ukun hatun sasan folin iha merkado sira
Sorin seluk hanesan mos komunidade Filomena de Jesus ne’ebé fan Bua iha Merkadu Same husi suku Daisua senti triste tamba Produtu la folin .
“hau senti triste tamba fos dolin sae no ami nia Bua ,Modo ami fan la folin tamba ami fan atu hodi hola netik fos maibe agora karon 20 kg folin $ 13.00 no 25 kg folin $ 16.00 balun $15.5 ntaun ami nuda’ar povu k’ik is la to hodi hola “
Tuir nia katak antes ne’e sasan folin tun hela hanesan fos 25 kg ho folin 14.5 maibe dadauk ne’e folin $ 16.00 .
“ita seidauk simu osan $ 200 sasan folin tun maibe simu tia osan refere sasan komesa folin sa’e masin midar 0,50 cen nian sa’e ba $ 1.00 no $ 1.00 nian sa’e ba $ 2.00”
Parte seluk Luduvina da Costa husi Suku Rotutu aldeia Foehei senti triste maibe nafatin esforsu hodi hola fos maske fos ho folin ne’ebe folin sa’e.
“folin sa’e mos hakarak ka lakohi ami tenki hola hodi suporta netik ami nia ai han lokal sira seluk maibe ami senti hanesan ema ne’ebé mak osan iha ne’e di’ak ba ida ne’ebé mak la iha ne’e dala ruma hola la bele”
Fatin hanesan Luçianu da Cunha nain ba Loja Nove Irmão hateten fos folin sa’e tamba iha dili fos folin sa’e .
“fos folin iha dili 25 kg ne’e folin $ 15.00 entaun ami hola lori mai fan $ 16.00 ne’e ami hetan de’it $ 1.00 no fos ida 20 kg iha dili $ 12.00 balun $12,25 Entaun ami tenki fan fali ba $ 13.00”hakotu loja nain Nove Irmão
Entertantu tuir observasaun iha Manufahi dadaun ne’e akontese udan bo’ot
No situasaun la’o hakmatek
