Manufahi RKM News——loron( 01-06) ohin ,Institutu Para a Defeza da Crianças(INDICCA) ho Ministériu Edukasaun Juventude no Desportu (MEJD) selebra loron internasionál labarik ho tema familia maka nukliu prinsipál ba protesaun no Dezenvolvimentu ba labarik sira iha salaun Paroquia Nosa Señora Asunsaun Same Manufahi.
Administradór Munisípiu Manufahi Arantes Izak Sarmentu hateten,apresia ho oitavu governu Kontituisional ne’ebé lidera husi sua Exelincia primeiru Ministru Taur Matan Ruak , ne’ebé maka tau importánsia oinsa atu halo protesaun diak ba Labarik sira,tamba labarik sai save importante ba nasaun ida nia futuru.
Administradór hatutan,agradese ba vise ministra MSSI ho Sekretária Estádu Igualidade no Inklujaun tamba bele hili Manufahi hodi sai hanesan fatin ida ba selebrasaun loron internasionál labarik iha mundu no mos labarik sira iha Timor-Leste,
Ida ne’e importante tebes tamba familia maka sai xave prinsipál atu halo protesaun hodi mos kontribui ba dezenvolvimentu Labarik sira nian.
Vise Ministra MSSI Signi Candrawati Verdial Hateten,Governu ba dawalu taun importánsia mos ba dezenvolvimentu labarik Timor-Leste .
“ita mos iha lei númeru 6/2023 kona ba presaun labarik iha perigu nia laran ,iha mos programa merenda eskolar governu halo saude na familia hodi promove abordajen integradu liu husi saude nutrisaun no edukasaun”dehan Governante ne’e
politika no programa ne’ebé Governu halo atu demostra katak Governu nia komprimisiu ,ba promosaun moris diak ba labarik sira hotu,iha Timor-Leste.
“ita hakarak investe ba dezenvolvimentu Labarik sira nian ba futuru nasaun nian,hodi nune’e ita bele kria futuru ida ne’ebé nabilan liu ba timor nia oan hotu-hotu.
fatin hanesan reprezentante labarik Manufahi Franamia Matu de Araujo imforma,familia maka parte prinsipál ba protesaun Labarik tamba familia maka iha tempu barak liu ho labarik sira,hodi koidadu sira eduka sira no halo akompanhamentu ba sira nia dezenvolvimentu,bazea ba situasaun ne’ebé iha inan aman barak maka ladun tau importánsia ba labarik sira nia edukadaun ,la tau importánsia ba sira nia dezenvolvimentu fisiku. labarik sira presiza hetan edukasaun ida ne’ebé qualidade .
entretanto depois remata selebrasaun fahe mos premiu ba manan nain husi kadi kakutak (CERTAME)no mos ba manan nain desportu hanesan dada tali halai karon tata berlindus no pinta inkliu estudante sira ne’ebé partisipa iha selebrasaun refere.
Jornalista :Lezya Martins
Editóra :Ynha Araujo
