Manufahi RKM News-sexta fera (30/06) ohin Servísu munisipal bee Saniamentu no ambiente (SEMASA) hamutuk ho parseiru Fundasaun Luta ba Futuru (F-LBF)realiza workshop ho tema “Hafórsa Ligasaun ba Igualidade, Rezilénsia adaptasaun no sustentabilidade ba BESI (HALIRAS)
Diretúr servisu SEMASA Domingos Soares hateten worshop ne’e hetan apoiu fundu husi Governu Australia liu husi parseiru Internasionál WaterAid Timor leste ho Objetivu fahe informasaun kona-ba konseptu HALIRAS no polítika Saniamentu bázika,
Lliu husi workshop ne’e governu no parseiru sira bele hafórsa liu tan hodi garántia sustentabilidade sistema bee saniamentu ne’ebé hari iha suku no Aldeia liga ba mudansa klimatika ne’ebe mosu hodi garántia bee moos ba sidadaun hotu inklui ema ho defisiente sira.
Reprezenta Country diretor WaterAid Timor leste Livia da Cruz hateten konseptu Projetu HALIRAS (Bee ba feto) ne’e la’os projetu foun maibé projetu ekstensaun ne’ebé hetan apoiu husi WaterAid no implementa iha Munisípiu Manufahi no Liquisa,nia dehan
projetu ne’e kontinuasaun husi projetu tuan ne’ebé implementa iha tinan 5 ba kotuk ne’ebé bolu naran projetu HALIRAS katak bee ba feto,sei implementa ho durasaun fulan 17 foka liu ba mudansa klimatika no asúntu jéneru nian hodi garántia ema hotu-hotu bele asésu ba bee-moos,nia hateten
Projetu ne’e sei implementa husi parseiru sira iha munisipiu Manufahi no Liquisa foka liu ba operasaun no manutensaun sistema bee saniamentu iha Komunidade.
Administradór Munisípiu Manufahi Arantes Isaac Sarmento agradese ba parseiru Dezenvolvimentu sira hotu apoiu governu Munisípiu hodi hala’o Dezenvolvimentu iha Munisípiu Manufahi kona ba bee saniamentu ijéniku ne’ebé sai preukupasaun ba komunidade sira nia nesesidade loron loron,
liu husi workshop ida ne’e bele hametin di’ak liu tan koperasaun entre governu ho parseiru sira hodi garántia sustentabilidade sistema bee moos ba komunidade sira.
Partisipa iha workshop ne’e, autóridade, lideransa komunitária, grupu maneiza fasilidade, diretúr servisu munisipais funsionáriu Públiku inklui parseiru sira.