Manufahi RKM News-sexta fera (4/8) reprezenta sekretariadu estadu Formasaun Profesional no empregu (SEFOPE) hamutuk ho autóridade Munisípiu Manufahi lansa fatuk dá-huluk kontrusaun salaun formasaun Cablaqui Comunity Development Center (CCDC) suco Holarua Postu admistrativu Same,
Diretor ezekutivu CCDC Carlito Marshal agradese ba Oitávu governu konstitusionál liuhusi SEFOPE apoiu orsamentu ho montante dólar Amérikanu $ 45,982.39 hodi halo konstrusaun sala formasaun ida ho medida naruk metru 21 ho luan metru 8,
tanba tinan 2017 CCDC nia ezisténsia ami sempre hasoru defikuldade oin oin hahu tinan 2018 to’o 2022 ami sempre hato’o proposta dala 5 ba SEFOPE maibé la hetan resposta,
No iha tempu Oitávu governu konstitusionál foin hetan apoiu hodi halo kontrusaun ba salaun formasaun ne’e bele fasilita di’ak liu tan foinsa’e sira.
Graduada Ana Paula Sarmento agradese ba CCDC ne’ebé fasilita kursu ne’e ba ami foinsa’e sira iha área oin-oin no ami konsege hatene ko’alia lian inglés,
Sefi gabineti SEFOPE Jacinto Ribeiro Diaz reprezenta sekretáriu estadu SEFOPE promete katak, SEFOPE prontu kontinua Apoiu CCDC hodi garántia nia sustentabilidade no prepara rekursu umanu ba foinsa’e sira,
Nune’e mos prevene foinsa’e sira labele tun ba Dili hodi tuir formasaun, maibé SEFOPE sei kopera di’ak ho CCDC atu fasilita kursu ba foinsa’e sira iha Munisípiu Manufahi.
Administradór Munisípiu Manufahi Arantes Isaac Sarmento agradese ba Oitávu governu konstitusionál fo apoiu orsamentu Konstrusaun salaun formasaun CCDC atu fasilita foinsa’e sira hodi hasa’e sira nia abilidade hodi kontribui ba dezenvolvimentu iha família no munisipiu, nia dehan
Alen de ne’e husu ba foinsa’e sira ne’ebé remata iha kursu ne’e la’ós atu ba buka servisu iha edifisiu estadu nian maibé kria rasik kampu servisu hodi tulun foinsa’e sira seluk hodi kontribui ba dezenvolvimentu iha ita nia rain.
