Koordenadora Rezidente Organizasaun Nasoins Unidas (ONU) nian iha Timor-Leste, Funmi Balogun, no responsavel sira ba ajénsia oioin ONU nian iha nasaun ne’e, hala’o sorumutuk ho Primeiru-Ministru Kay Rala Xanana Gusmão, no reafirma sira-nia kompromisu hodi apoia prioridades ne’ebé estabelese ona husi Governu Konstitusionál IX iha ninia Programa. Sorumutuk ne’e hala’o iha loron 14 fulan-agostu tinan 2023, iha Palásiu Governu, Dili. 366715167_137815316041472_7922614177188571300_n
Iha sorumutuk ne’e, Primeiru Ministru aprezenta prioridades Ezekutivu nian ba mandatu ne’e no agradese ba apoiu ne’ebé ONU fó ona iha area oioin no ninia ajénsias ba Governu no ba povu Timor-Leste.
Durante sorumutuk ne’e diskute programa oioin ne’ebé la’o hela no projetus foun ba futuru ne’ebé aliña ho programa ne’ebé prepara ona husi Governu Konstitusionál IX, atu garante katak apoiu no esforsu hirak ne’e konsentra iha área sira ne’ebé rain ne’e presiza liu no kontribui ba dezenvolvimentu sustentável Timor-Leste nian.
366684900_137815532708117_4950466644893578089_nFunmi Balogan hala’o sorumutuk ho Primeiru-Ministru, akompaña husi reprezentante UNICEF, Bilal Aurang Zeb Durrani, Gabinete ba Direitus Umanus ONU nian, Claudia Soares Gomez Diaz, husi FAO ba Indonézia no Timor-Leste, Rajendra Aryal, husi OIT Timor-Leste no Indonézia (naun-rezidente), Michiko Miyamoto, husi OIM, Aishath Ihma Shareef, husi PNUD, Adeline Carrier, husi UNFPA, Pressia Arifin-Cabo, husi Feto ONU, Amy Nishtha Satyam, husi PAM, Cecilia Garzon, husi OMS, Vinay Bothra, husi UNESCO (naun-rezidente), Maki Katsuno-Hayashikawa no hosi programa voluntariadu Nasoins Unidas nian, Mário de Jesus Ximenes.
