Dili, 8 Setembru 2023 – Iha Timor-Leste 32 pursentu husi labarik-feto sira iha tinan 14-19 sofre anemia, ne’ebé mosu tanba mudansa fíziku no emosionál iha sira-nia isin, ne’ebé presiza nutrisaun adisionál.
Iha mudansa konjunta ida atu hasa’e labarik-feto adolexente sira-nia saúde no moris-di’ak iha Timor-Leste, Governu Timor-Leste ohin simu tablet ida husi Governu Japaun ho Fundu Nasoins Unidas ba Labarik
Labarik-feto adolexente rihun ruanulu-resin-rua (95.000) husi munisípiu Covalima, Lautem, Liquica no Manufahi no RAEOA sei asesu ho livre ba suplementu hirak-ne’e liuhusi eskola sira no liuhusi sesaun informasaun komunitária ne’ebé hala’o husi Membru Grupu Apoiu Inan sira. Objetivu mak atu fó apoiu nutrisaun importante ba labarik-feto adolexente sira atu prevene anemia defisiénsia besi no konsekuénsia saúde ba tempu naruk.
Nutrisaun adolexente nu’udar komponente importante ida husi saúde publika no hasoru anemia defisiénsia besi entre labarik-feto adolexente sira nu’udar prioridade ida ba Timor-Leste.
Anemia entre adolexente sira hamosu dezempeñu eskola ne’ebé fraku, redusaun ba espasu atensaun, lakon memória no aumentu iha taxa drop-out eskola. Anemia mós bele hamenus imunidade no hasa’e taxa infesaun. Suplementasaun besi no asidu foliku nu’udar estratéjia ida-ne’ebé provadu atu kombate preokupasaun saúde ne’ebé luan no asegura katak labarik-feto sira simu nutrisaun esensiál sira ne’ebé sira presiza ba kresimentu no dezenvolvimentu saudavel.
José dos Reis Magno, Vice Minister for Institutional Strengthening in Health, Ministeriu Saude, Timor-Leste: “Agradese tebes ba apoiu husi UNICEF no Governu Japaun iha ita-nia esforsu atu hasa’e nutrisaun adolexente entre labarik-feto adolexente sira. Inisiativa ida-ne’e ezemplu kona-ba kbiit parseria nian hodi rezolve dezafiu saúde nian ne’ebé importante.”
“Japaun servisu hamutuk ho Governu Timor-Leste kona-ba saúde inan no oan durante tinan barak ona. Ida-ne’e tanba ami fiar katak dezenvolvimentu rekursu umanu nu’udar objetivu ida-ne’ebé importante liu ba nasaun ida no hadi’a estatutu nutrisaun sei sai hanesan baze ba ema ida-idak, ” dehan Tetusia KIMURA, Embaixador Japaun nian ba Timor-Leste.
“Eventu ohin reprezenta ita-nia kompromisu koletivu ba investimentu ba tempu naruk iha ita-nia labarik-feto adolexente sira-nia saúde, nutrisaun no futuru hodi proteje sira hasoru malnutrisaun oioin. UNICEF sente onra tebes atu hamriik hamutuk ho ami-nia parseiru sira iha viajen ida-ne’e atu hadi’a nutrisaun no moris-di’ak ba ema hotu,” dehan Reprezentante Nasional UNICEF, Bilal Aurang Zeb Durrani.
////Ends
Entrega fornesimentu IFA nian hanesan parte ida husi projetu “Pakote Intervensaun Espesifiku Nutrisaun nian atu responde ba subnutrisaun inan, labarik no adolexente iha Timor-Leste,” implementa husi Ministeriu Saude no UNICEF no hetan finansiamentu tomak husi povu Japaun.
For media inquiries, please contact:
Ba informasaun detallu, bele kontaktu:
- Ministry of Health Contact Information:
Carinton Salazar, Ofisial Midia, Ministeriu Saúde-+670 77903355
- Kazumi Yamada, Deputy Head of Mission/Head of Development Cooperation Mobile Number- +670 77231121; Email Address- [email protected]
- Tapuwa Mutseyekwa, UNICEF Advocacy and Communication Specialist, Mobile number – +670 77231103; Email Address – [email protected]
- Antonio Gomes, UNICEF Communications Officer, Mobile number – +670 77232441; Email address – [email protected]
- fontes media unicef
