ATENSAUN ESPESIAL⚠⚠
ANIN hu’u ho velocidade (NATON to’o MAKA’AS (15-30 km/h)) sei kontinua akontece durante semana ne’e no akompanha ho RAJADAS ANIN/ANIN FUIK ne’be hu’u ho velocidade MAKA’AS (~40 km/h) kuaze iha territoriu Timor laran hotu principalmente iha rejiaun kosteiras.
⚠ATENSAUN LALORAN TASI ⚠
LALORAN TASI SEI A’AS IHA KOSTA SUL NO LESTE.
#KONDISAUN_LALORAN_TASI
-Kosta norte: Laloron nia a’as 0.7-1.4 metru (NORMAL-MODERADU).
-Kosta sul no leste: Laloron nia a’as 1.2-1.6 metru (MODERADU).
#KONDISAUN_TEMPU
HUSI EQUIPA PREVIZAUN TEMPO NO KLIMA DNMG-MTC, hakarak informa ba komunidade em jeral iha territoriu Timor laran tomak katak, durante semana ne’e nia laran iha parte DADER to’o LOKROKRAIK maioria munisipiu Iha Timor laran, kondisaun atmosfera sei NAROMAN HO KALOHAN BALUN kuaze iha territoriu nacional exceptu iha parte FOHO husi municipiu Ermera no Kosta Sul Lautem mak Kalohan sei taka no possibilidade UDAN-CHUVISKA.
#NOTA_INFORMATIVU:
Husu ba komunidade em jeral, liuliu ba sira ne’ebe hela iha tasi ibun atu bele fo atensaun ba eventual ne’e, evita halimar & Haris tasi no ba maluk peskador sira liu-liu iha rejiaun Kosta sul no Leste atu tau atensaun ba eventu refere hodi nune’e bele hadook a’an husi dazatre sira ne’ebe ita hotu la espera.
-Apela ba ita nia maluk viajantes sira ne’ebe halao viajem ba municipiu hodi tau atensaun ba anin bo’ot refere.
*Akompanha nafatin atualizasaun informasaun husi DNMG.
*Bolletim emitidu : 18/09/2023 (10:45 OTL)
*Bolletim Validu : 23/09/2023 (00:00 OTL)
BOM FIM DE SEMANA BA ITA HOTU!!!
