Manufahi RKM News-kuarta Fera (8/11) ohin Instituto Nasional kombate HIV SIDA sosiliza informasaun kona ba kombate moras HIV-SIDA ba Lina ministeriais munisipiu manufahi no estudante sira iha salaun MAP munisipio Manufahi,
Diretora programa prevensaun HIV Instituto Nasional kombate HIV-SIDA Ivonia Antónia Barris hateten dadus iha ministériu saúde kuarte-segundu totál HIV ema na’in 2.002 no kuarter-terseiru aumenta sa’e ba 2.050 iha territóriu Timor leste,
No iha Munisípiu Manufahi husi tinan 2011 to’o 2023 rejista kazu HIV ho totál 24 na’in 12 lakon vida no na’in 12 sei kontinua halo tratamentu, nia dehan.
Husi dadus ne’ebé hatudu sidadaun Timor oan sai perígu ba Virus ida ne’e, tanba ne’e liu husi dizeminasaun ne’e atu partilla informasaun ba autóridade, joventude no komunidade sira hodi habelar informasaun ba sidadaun sira hotu atu kombate Virus HIV ne’e iha sosiedade.
Administradór Munisípiu Manufahi Arantes Isaac Sarmento agradese ba intstutu Nasional de kombate HIV-SIDA ne’ebé kontinua sosiliza informasaun ba komunidade,Lina ministeriais no joven sira,
Administrador husu ba diretúr servísu munisipais, sefi departamentu, funsionáriu públiku, autoridade no lideransa komunitária sira, mai ita hamutuk hodi habelar informasaun ba família uma laran, servisu fatin, eskola no ema hotu hodi kombate no prevene transmisaun Virus HIV iha ita nia familia no sosiedade tanba moras HIV perígu ba ema nia vida, nia dehan.
Virus ne’e aumenta ba bebeik iha ita nia nasaun tanba sei menus koeñesementu liu husi dizeminasaun ne’e husu ita hotu atu partilla informasaun hodi prevene
No la bele halo relasaun seksual arbiru ho ema ne’ebé la’ós ita nia parseiru atu bele salva ema nia vida husi Virus HIV.
Entertantu oradór ba dizeminasaun ne’e Administradór Munisípiu Manufahi, komadante polisia munisipio manufahi no Diretóra prevensaun HIV-SIDA.
