Manufahi Rkm News===Loron 11/11 Ministeriu Agricultura hamutuk ho autoridade Munisipiu Manufahi no Parseiru FAO koileta Batar hectare 24 iha Suco Betano, Iha Intervista Reprezentante Ministeriu Agricultura Direto Jeral Agricultura e Horticultura Martino Laurentinho Soares hateten antes seidauk uza sistema konservasaun Agricultura (CA) ne’e Produsaun batar iha ne’e Menus, agora uza ona Sistema Konservasaun Agricultura tuir informasaun Produsaun Batar iha ne’e sae makas ba tonelada hitu resin, ita hein katak ba oin komunidade sir abele utiliza nafatin sistema CA, Ohin loron ita hare produtividade Batar menus ba oin ita bele hadia batar nia produsaun bele sae. Kontinuasaun ba oin IX Governo iha hanoin atu hadia produsaun laos deit hare maibe ba mos Batar ministro rasik nafatin interese apoiu naran katak komunidade sira iha ne’e habelar tan espasu hodi kuda batar ministeriu pronto nafatin hodi apoiu, e vantage husi programa CA nian mak trator husi inisiu mak ita fila rai depois tuir fali mai bele kuda lehe ou fila batar kain deit bele kuda ona ita la presiza gastus barak ona.
Sorin seluk tos nain Marco Pereira husi Grupo Taka ulun senti kontente ho programa konservasaun Agricultura ne’e fo duni rezultadu ba ami povo agricultura.
Iha Intervensaun Administrador Munisipiu Manufahi Arantes Isaac Sarmento hateten hato’o agradese ba Ministeriu Agricultura ho Agradese mos ba FAO tamba tinan lubuk ida ona mak apoiu hela atividade agricultura nian iha Munisipiu ida ne’e, tamba ita hotu hatene konservasaun Agricultura ne’e diak tebes tamba ita uluk toman ho buat ida fila rai sunu dala ruma ita muda ba fatin ida muda fali ba fatin seluk depois kuando iha kauza mudansa klimatika prezudika boot tebes.
Parte seluk administrador senti kontenti tebes ba grupo agricultura sira no hato’o agradese tamba uluk ita mai halo koileta ita ne’e rezultadu uituan deit ohin ita mai koileta rezultadu aumenta makas, parte administrasaun munisipiu serbisu hamutuk ho Banco hodi fo kredito ba ita nia agricultura.
Reportage : rkm
