Manufahi RKM News – tersa feira (28/11) ne’e Administrador Munisipiu Manufahi hamotuk ho komisaun organizadora hala’o seremonia hasa’e bandeira RDTL no tomada de pose ba xefe suku ho membru konsellu suku sira iha luak manufahi.
Administradór Munisipiu Manufahi Arantes Isaac Sarmento hateten hanesan servidor ida iha munisipiu manufahi hato’o ba povo manufahi tomak katak tenke hadomi malu iha nasaun ida ne’e no ba rai ida tenke iha responsabilidade ba Nasaun ida ne’e atu nune’e bele kontribui ba dezenvolvimentu .
“Ho komemorasun loron Proklamasaun Independensia ida ne’e ita nia lideransa sira fo sira nia sakrifisiu lobuk ida ba rai ne’e no eroi sira halo ba rai ida ne’e molok hakat ba proklamasaun ne’e ita nia lider sira fo sira nia vida no sakrefika sira nia an ba luta libertasaun atu hodi konkritiza no objetivu funu ida ne’ebe maka naruk hodi liberta patria no liberta povo.
“Administrador ne’e husu ba povo manufahi relasiona ho komemorasaun proklamasaun independensia da repúblika de timor – leste ida ne’ebe povo manufahi hadom malu, hametin unidade ,hametin kultura respeitu malu no fiar malu atu lori manufahi ne’e ba oin.
Nune’e mos joventude sira uza oportunidade sira ne’e ho didiak labele uza oportunidade hodi kria problema no la iha benefisiu ba iha futuru tanba ne’e uza oportunidade ne’e ho diak no labele sai bainaka ba ita nia rain rasik
Arantes hato’o mensagem ba xefe suku sira katak sai servidor ba povo no lidera povo iha suku no aldeia sira ho diak labele uza kna’ar ne’ebe iha hanesan oportunidade maibe uza kna’ar ne’ebe maka iha sai hanesan responsabilidade ba povo no povo maka sai liu rai no ita maka sai atan ba povo.
xefe suku sira tenke hakuak ema hotu labele hare ba kor no rasa hanesan lideransa komunitaria suku ita maka sai hanesan ibun no tilun ba povo no sai mos liman ain ba estadu atu hodi rona povo nia preokupasaun iha base.
Entertantu Iha Komemorasaun loron Proklamasaun Independensia 28 de Novembru ne’e xefe suku eleitu sira mos Simu Tomada de posse husi administrador munisipiu alende ne’e iha komemorasaun ne’e Partisipa husi deputadu na’in rua husi bankada PD no Fretelin hanesan deputado Manuel Henrique no deputadu Antonino Doutel Sarmento no komunidade sira hotu iha manurfahi.
Repotagem :Rkm
