Manufahi Rkm News===loron 28/11 Tersa Feira ne’e iha amibitu komemorasaun loron proklamasaun independensia ba dala 48 iha Luak Manufahi, administrador Munisipiu Manufahi Arantes Isaac Sarmeto lia tun ba povo Manufahi atu hadomi malu no hametin unidade hodi kontribui ba Dezenvolvimentu.
Nune’e mos joventude sira uza oportunidade sira ne’e ho didiak labele uza oportunidade hodi kria problema no la iha benefisiu ba iha futuru tanba ne’e uza oportunidade ne’e ho diak no labele sai bainaka ba ita nia rain rasik
Arantes hato’o mensagem ba xefe suku sira katak sai servidor ba povo no lidera povo iha suku no aldeia sira ho diak labele uza kna’ar ne’ebe iha hanesan oportunidade maibe uza kna’ar ne’ebe maka iha sai hanesan responsabilidade ba povo no povo maka sai liu rai no ita maka sai atan ba povo.
xefe suku sira tenke hakuak ema hotu labele hare ba kor no rasa hanesan lideransa komunitaria suku ita maka sai hanesan ibun no tilun ba povo no sai mos liman ain ba estadu atu hodi rona povo nia preokupasaun iha base.
Entertantu Iha Komemorasaun loron Proklamasaun Independensia 28 de Novembru ne’e xefe suku eleitu sira mos Simu Tomada de posse husi administrador munisipiu alende ne’e iha komemorasaun ne’e Partisipa husi deputadu na’in rua husi bankada PD no Fretelin hanesan deputado Manuel Henrique no deputadu Antonino Doutel Sarmento no komunidade sira hotu iha Manurfahi.
Repotagem :Rkm
