Previzaun tempu ba kondisaun ANIN ba LORON RUA tuir mai mak, ANIN sei hu’u ho velosidade (FORTE to’o FORTE LIU (20-32 km/h) akompanha ho RAJADAS ANIN (ANIN FUIK) ne’ebe mak hu’u ho velocidade MAKA’AS (~58 km/h) kuaze iha territoriu Timor laran tomak preferensialmente iha KOSTA NORTE tantu iha rejiaun montanhosas/foho kuantu rejiaun kosteiras.
#KONDISAUN_LALORAN_TASI#
_Previzaun ba kondisaun laloran tasi nian ba LORON RUA tuir mai mak laloran tasi nia a’as sei kontinua varia husi NORMAL to’o MODERADU (0.7-1.5 M) tantu KOSTA NORTE no SUL.
#KONDISAUN_TEMPU#
EQUIPA PREVIZAUN TEMPO, hakarak informa ba komunidade em jeral iha territoriu Timor katak, tuir analise no observasaun husi modelos meteorolojikus kona ba previzaun tempu ba LORON RUA tuir mai nota katak:
Iha parte DADER maioria munisipiu sira iha territoriu Timor laran, kondisaun atmosfera sei predominante ho (KALOHAN TAKA-Udan Chuviska).
Iha parte LOROKRAIK no INISIU KALAN mak kuaze munisipiu hotu-hotu iha territoriu, kondisaun atmosfera sei akontese UDAN HO INTENSIDADE Chuviska to’o FRAKU no iha possibilidade lokalmente MODERADU preferensialmente iha rejiaun montanhosa/foho sira.
🛑Risku🛑
Mota Tun, Raí Halai, Bee Sae, Aí Tohar no Eletrisidade Mate
#NOTA_INFORMATIVU:
-Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma tuir orientasaun Autoridade Lokal ou Pessoal Protesaun Sivil ne’ebé besik ou karik presiza halo evakuasaun, mantein kalma nafatin no evita paniku.
*Akompanha nafatin atualizasaun informasaun husi DNMG Timor-leste.
*Bolletim emitidu : 17/01/2024 (16:00 OTL)
*Bolletim Validu : 20/01/2024 (00:00 OTL)
#SECÇÃO_PREVIZAUN TEMPU_DNMG-MTC
