PREVIZAUN_TEMPU_BA_LORON_TOLU_(3) _TUIR_MAI#
⚠ ATENSAUN BA UDAN HO INTENSIDADE MODERADU/NATON- FORTE BA LORON TOLU (3) TUIR MAI, HUSI DIA (23-25/01/2024) ⚠
(AILEU, BOBONARO, ERMERA, LIKISA, RAEOA, inklui DILI)
MTC-DNMG, Hakarak informa ba komunidade em jeral iha territoriu nasional katak, Previzaun tempu ba loron tolu (3) tuir mai nota katak kondisaun atmosfera sei instavel iha ne’ebe sei favorece udan ho intensidade FRAKU-MODERADU no bele lokalmente udan FORTE liu-liu iha munisipiu sira nebe mak mensionadu ona iha leten prinsipalmente iha rejiaun montanhosas/ foho sira. (Detalhe iha tabela anexu).
⚠ ATENSAUN ESPECIAL BA ANIN IHA PARTE KOSTEIRA (KOSTA NORTE NO SUL) ⚠
Velocidade anin akompanha ho rajadas anin sei kontinua persiste hodi huu ho velocidade MODERADU-FORTE, akompanha ho rajadas anin/anin fuik nebe mak ho velosidade MAKAAS/FORTE LIU tantu iha rejiaun kosteiras kuantu iha rejiaun montanhosas/ foho sira, nune’e sei influensia mos Laloran tasi nia a’as.
🛑RISKU 🛑
Potensia ba mota tun, be’e sa’e, deskarga eletrica/eletrisidade mate, ai tohar no seluk-seluk tan.
#NOTA_INFORMATIVA#
-Wainhira Anin, Udan bo’ot & Rai Lakan, husu ba populasaun sira atu hado’ok a’an husi fatin risku sira no buka hela iha fatin ne’ebé seguru.
*Kazu emergênsia ruma tuir orientasaun Autoridade Lokal ou Pessoal Protesaun Sivil ne’ebé besik ou karik presiza halo evakuasaun, mantein kalma nafatin no evita paniku.
*Akompanha nafatin atualizasaun informasaun kona previzaun Tempu husi Dnmg Timor-leste.
Bolletim Emitidu: 22/01/2024 (17:00 OTL)
Bolletim Validu : 26/01/2024 (00:00 OTL)
_ Previzaun refere, sujeita ba atualizasaun.
#DNMG- EQUIPA PREVIZAUN TEMPU LA HALUHA HATO’O BOA SEMANA BA ITA HOTU#
