Manufahi RMM News-sexta Fera (02/02) ne’e Presidente Autóridade Munisípiu Manufahi (PAMM) foun ho Strutura partisipa selebrasaun misa agradesementu iha Igreiza Parokia Nosa senhora de Assunção Same,
Padre Parokia Nosa senhora de Assunção Same, padre Albino Marques iha nia omília hateten liu husi selebrasaun misa agradesementu ne’e ita hotu hasa’e agradesementu ba Maromak hodi haraik forsa no kbi’it hodi tulun Strutura foun Presidenti autóridade ho nia Strutura sira,
Atu servi povu Manufahi ukun ho domin haraik-an karidade onestidad ho responsabilidade ba rai no povu Manufahi,
Nu’udar servidór povu sempre mosu dezafiu oin-oin ema balun gosta no balun la gosta dezafiu ne’e sai forsa liu tan kuandu ukun ho hakaraik-an, onestidade, domin, hodi buka kolabora no servisu hamutuk ho entidade hotu, hodi implementa Dezenvolvimentu ba povu no rai Manufahi.
Presidente Autóridade Munisípiu Manufahi Luís Marcal da Costa Tavares hateten misa agradesementu ne’e nia intensaun atu hasa’e agradesementu ba Maromak ho esforsu tomak ita iha, tanba ho Maromak nia kbi’it ita ema sai forsa liu tan hodi hala’o Dezenvolvimentu iha rai ne’e,
Tanba iha tempu luta Timor oan sira sempre hamutuk ho Igreiza hodi hetan kbi’it no forsa ba libertasaun nasionál, entau tempu agora fase luta hasoru ki’ak no mukit nafatin husu harohan ba Maromak esperitu ba ita iha forsa hodi hala’o Dezenvolvimentu iha ita nia rain.
Entertantu iha misa agradesementu ne’e Strutura foun autóridade Munisípiu Manufahi, komadante polísia, funsionáriu publiku sira, sosiedade sivil, líder partidu polítiku sira, inklui estudante.