ATENSAUN_BA_UDAN⚠
(AILEU, AINARO, BAUCAU, BOBONARO, ERMERA, LIKISA, MANUFAHI, MANATUTO, VIQUEQUE no LAUTEM (ILIOMAR).
DNMG-Ekipa Previzaun Tempu no Eventu extremu, hakarak informa ba komunidade em jeral iha territoriu nasional prinsipalmente ba munisipiu ne’ebe mensionadu iha leten katak, baseia ba atualizasaun previzaun tempu ba loron ohin, nota katak kondisaun atmosfera sei kontinua INSTAVEL, iha ne՛ebe posibilidade sei favorese udan ho intensidade CHUVISKA to՛o FRAKU prefrensialmente iha parte DADER-MEIO DIA no iha tendensia ba potensia udan ho intensidade MODERADU/NATON kuaze iha territoriu nasional, tantu iha rejiaun kosteiras kuantu rejiaun montanhosas/foho sira, no bele lokalmente FORTE, liu-liu ba munisipiu sira ne՛ebe mensionadu ona iha (LETEN), preferensialmente iha parte LOROKRAIK-INISIU KALAN.
⚠ ⚠ATENSAUN_ESPESIAL_BA-ANIN ⚠⚠
-Kontinua atensaun nafatin ba kondisaun anin ba loron ohin nian, tanba kondisaun refere sei kontinua persiste hu’u ho velosidade MODERADU/NATON to’o FORTE no FORTE LIU
(20-35 km/h), prinsipalmente iha KOSTA NORTE, liu-liu ba munisipiu sira hanesan: LIKISA, DILI, MANATUTO, BAUCAU, LAUTEM, ATAURO, COVALIMA no RAEOA, akompanha ho RAZADAS ANIN/ANIN FUIK ne’ebe mak hu’u ho velosidade FORTE to’o FORTE LIU (35-65 km/h), preferensialmente iha parte LOROKRAIK-INISIU KALAN.
#KONDISAUN_LALORAN_TASI#
-Previzaun tempu ba kondisaun laloran tasi nian ba loron ohin mak hanesan: Laloran tasi nia a’as sei varia husi NORMAL-MODERADU (0.4-1.4 m) tantu iha KOSTA NORTE no KOSTA SUL.
🛑Risku🛑
– Iha potensia ba ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona previzaun Tempu husi DNMG Timor-leste.
*Bulletim emitidu : 12/02/2024 (10:07 OTL)
*Bulletim Validu : 12/02/2024 (20:00 OTL)
#SECÇÃO_PREVIZAUN TEMPU NO EVENTU EXTREMU_DNMG-MTC#
